Creamos un novo apartado dentro da CDU 9 (Xeografía · Viaxes · Historia) por mor do grande número de fondos que fomos adquirindo este curso sobre o Camiño de Santiago grazas ao tema do noso PLAMBE 20/21 e do proxecto eTwinning que estamos a coordinar: Europe is the Way.
Premede NESTA LIGAZÓN para ver a entrada no blog de Proxectos Europeos do cole!
Este ano as Xornadas dos centros do Plan de Bibliotecas Escolares de Galicia puderon celebrarse... aínda que de xeito virtual.
A verdade é que o resultado foi moi bo e as ponencias, coma sempre, realmente interesantes!
Moita da temática versou sobre a educación ALFIN e Mediática, a Biblioteca Inclusiva e a Animación á Lectura, aínda que tamén da motivación e da superación dos problemas da pandemia.
Estas xornadas, moi intensas, tiveron un peche de luxo coa entrevista a Irene Vallejo, gañadora do Premio Nacional de Ensaio 2020 coa súa obra sobre libros e bibliotecas "El infinito en un Junco".
Esta entrevista, chea de amor polos libros, resultou realmente inspiradora para seguir a traballar na nosa biblio con renovado entusiasmo!!!
Os rapaces de 3º de EP, coa súa profe Patri, comezaron xa a adentrarse no proxecto deste ano do noso PLAMBE: "O Camiño de Santiago".
Fixeron cadansúa cuncha de PEREGRINO coa CRUZ DE SANTIAGO para poñela ao pescozo... quedaron moi ben!!!
