25N

 Os Bolechas chegaron á nosa biblioteca para facer unha representación para fomentar no noso alumnado máis pequeno a defensa da IGUALDADE.

díA daS esCriToraS 2023

 

iGuaLdade

Na nosa Biblioteca asistimos a un contacontos sobre Igualdade realizado por Gemola (Genma Pardo) para os rapaces de E. Infantil e 1º de E. Primaria. 

Vestida coma Pipi Calzas Longas, ensinou á vez que entretivo aos nosos alumnos cambiando os finais dalgúns dos contos clásicos.

25 NovemBro: o CPI contra a VioLencia de XéNeRo

O Departamento de Orientación organizou co Concello de Portas un obradoiro moi interesante para fomentar a igualdade en E. Primaria.

"A Igualdade Paso a Paso" consistiu en pintar cadanseu zapato cor violeta e plantar neles unha semente. O obxectivo era representar o camiño cara a igualdade e rexeitar todo tipo de violencia machista!

muRal 8M

Os alumnos de 4º quixeron decorar unha columna da súa aula para celebrar a IGUALDADE.

Moitas grazas a Aroa, Mariña, Lucía M, Lucía F e Félix polo seu traballo!

díA conTra a vioLencia conTra a muLLer

Para celebrar este 25 de Novembro os alumnos de 2º Primaria acudiron a visitar un bus moi chamativo.

Ademais os de 3º fixeron un taboleiro onde escribiron as súas ideas sobre este tema:

equiPo de iGualdadE

 

Este curso o Equipo de Igualdade dirixido pola Orientadora do cole, Silvia, realizou un moi interesante proxecto en colaboración co Concello, a Deputación de Pontevedra e Anias: un obradoiro de curtas sobre igualdade e violencia de xénero en Galego.

A verdade é que traballaron a reo e aprenderon moitísimo de planos, son, técnicas, e sobre todo igualdade.

Aquí tedes os links ás entradas no blog de Portalingua coas curtametraxes!!!:

 "A Carga Mental"

"Es muller e sénteste sobrecargada? Sentes que a mochila con pedras se vai enchendo paulatinamente? Ves aquí a todas as mulleres que coñeces? A carga invisible pero pesada que temos por nacer mulleres".

 "Case o Mesmo"

"Que pensamos ante unha conversa aparentemente normal? O que din mulleres e homes está estereotipado? Depende quen fale imaxinamos un tema ou outro?

As diferenzas sociais acentúanse por cuestións de xénero? Ao final xogamos todas e todos o mesmo partido?"

 "A Entrevista"

"As profesións teñen xénero? É casualidade que haxa profesións con máis presenza de mulleres e outras de homes? Porque hai máis profesorado de danza muller? Porque hai máis enxeñeiros home? Con estes interrogantes o noso alumnado cuestionaba a realidade. Dende os xoguetes que nos regalan na máis tenra infancia ata a elección da profesión imos construíndo un sistema de estereotipos que nos condicionan nas nosas eleccións."