nadaL PLAMBE

 

 

 

"A beAutiFuL brAiN" (novidade na biblio)

 

imÁns paRa a BibLio

 

visiTa a radiO aRouSa

 

25N

 

SAmAÍn

 

migRacióN ao pRograMa kohA

 

díA daS escriToraS

 

acciÓn pOéTica pOrtaS

 

Un curso máis fixemos arte efímero escribindo poemas e cancións de amor polas paredes do colexio.

 

 

 

táboA LiTerariA

 A profe Rosa Lago fixo cos alumnos do Club de Ciencias esta fermosa táboa periódica literaria con nomes de escritores e de libros famosos.

eXpo sALnéS

 

 

 

 

A biblioteca participou no Expo Salnés, a feira dos Clubs de Ciencia, cun obradoiro de caligrafía ao estilo de Leonardo da Vinci.

O colexio expuxo varios dos seus proxectos científicos: xardíns eternos, xabóns de glicerina, cianotipias, estampacións de follas, proxectos sobre os sentidos... 

 

 

 

coRRelinGua 2025

 Participamos un ano máis na carreira CORRELINGUA en Pontevedra para promocionar o emprego do Galego.

Este curso estreamos pancarta profesional! 

hoMenaXe a xAn coNsTenLa

 

Co gallo do cabo de ano do noso compañeiro Xan, fixemos un emotivo acto no colexio no que participaron os alumnos do Club de Lectura.

Houbo lecturas e música, entrega dos premios que levan dende agora o seu nome, escritos recompilados nun libro e inauguración dunha placa da biblio e dun banco de lectura. 

LeTras gaLegaS 2025

 

Para festexar o Día das Letras Galegas fixemos unha exposición dos fondos sobre as CANTAREIRAS que adquirimos para a nosa biblioteca.

 

feSta da LinGua

 

Para festexar o Día das letras Galegas 2025 fomos a Caldas á FESTA DA LINGUA organizada pola asociación Terras do Umia que contou coa actuación de moitos dos nosos alumnos e, para rematar, das Tanxugueiras.

este acto foi, daemais, unha sentida homenaxe ao noso compañeiro Xan Constenla, coordinador do club de lectura e membro moi importante do noso Equipo da Biblioteca.

 

obRadoiRo de raP

 Os alumnos de 3º ESO disfrutaron dun obradoiro de rap na nosa biblioteca.

Forma parte do noso programa Radio na Biblio, de Radio Rapeira.

A verdade é que o pasaron de marabilla e aprenderon moitísimo!!! 

O PrEZo DE EsTAr á MOdA

 

Aquí temos un resumo dos momentos máis salientables da investigación sobre o lado máis escuro da industria da moda levada a cabo polos alumnos de 2ºESO coa axuda dos fondos da nosa biblioteca.
 

BibioTecA iNcLuSivA

 

A nosa marabillosa alumna lidia landín visitou á nosa biblio para falarlles aos alumnos de 4º da ESO sobre a carreira que estudou ela: TERAPIA OCUPACIONAL.

A verdade é que foi moi interesante e amosa unha profesión moi valiosa da que non tiñamos moito coñecemento! 

manGa na radio rapeiRa

 

Os rapaces do Club de Manga seguen a grabar os seus podcasts na Radio Rapeira.

Comparan os mangas antigos e os novos, deciden que mangas merecen ter un anime e viceversa, repasan as novidades... á vez que fan bromas e un pouco de xaleo!

euRopA eXprEss

 

A profe María Roma, de Galego, fixo cos seus alumnos da ESO este fermoso proxecto artístico-literario baseado no libro "Europa Express" de Andrea Maceiras.

 

eMociOnarTe

 Recibimos a visita de Pedro Feijoo para desenvolver un obradoiro literario organizado pola A Fundación, que se basea nas emocións e a creatividade para facer textos literarios. 

cenTro de díA da 3ª iDade

 

Acudimos, para preparar o Día das Letras Galegas e o proxecto sobre moda do Departamento de Debuxo,  ao Centro de Día da 3ª Idade de Portas para falar cos maiores sobre moda, remedios naturais e cantigas populares.

Ao final acabamos cantando con eles ao son das pandereitas!

o pRezo de eStaR á moDa

 

O equipo de investigación de 2º ESO fixo moitas entrevistas este curso. Aquí amosamos as que fixeron na emisora de Radio Rapeira aos profesores Davinia Outón e Carlos Castro, para falares de trastornos na alimentación e contaminación respectivamente.

díA da poEsíA

 

Para celebrar o Día da Poesía 2025 fixemos unha exposición de caligramas realizados polos alumnos de 3º e 4º da ESO na materia de Galego coa profe María Roma.

En Expresión Artística os alumnos de 4º fixeron  unha actividade plástica co poema de Quevedo "Definición de Amor".

Esperamos que vos guste!!!

enContRos plAmbE

 

díA de saiNt paTriCk

 

Os departamentos de Inglés e de Debuxo fixeron este taboleiro cos alumnos da Sección Bilingüe de 1º ESO, recén estreada.

díA do cóMic

Hoxe celebramos o Día do Cómic 2025 facendo unha reunión do Club de Lectura de manga da ESO e vendo o primeiro episodio de Dragon Ball en Galego!

AQUÍ TEDES O ENLACE AO APARTADO DE CÓMIC DA WEB DO COLEXIO.

 

PARA MÁIS INFORMACIÓN PREME NESTE LINK Á PUBLICACIÓN DA ASESORÍA DE BIBLIOTECAS CON RECOMENDACIÓNS PARA BIBLIOTECAS!!!

8M

Para festexar o Día da Muller fixemos un proxecto sobre artistas famosas das Vangardas Históricas e coa información fixemos unha exposición no corredor do centro.

FrAnciSco caStRo

Recibimos a visita de Francisco Castro na nosa biblio, no Club de Lectura da ESO e de adultos.

Veu falarnos do libro "Luz, a historia non contada" que fala da relación entre o alemán Luz e Jesse Owens, e as consecuencias que tivo para o primeiro. 

A verdade é que foi moi ameno e realmente interesante.

Ademais amablemente deunos as grazas na súa conta de instagram! 

 

enTroiDo 2025

 

Este curso fixemos unha grande festa de Entroido con disfraces baseados principalmente en libros.

Os profesores foron cada un dun xénero literario e a verdade é que o pasamos de marabilla! 

Na materia de EPVA fabricamos moitos dos complementos dos alumnos da ESO. 

díA de roSalíA 2025

 

 

 

Para festexar o Día de Rosalía os alumnos do Club de Lectura fixemos uns proxectos artísticos cos seus poemas que quedaron do máis bonitiños.

Tamén unha exposición cos seus libros. 

díA de saN vaLenTíN 2025

Este curso a profe de Relixión, Nuria Blanco, propúxonos unha actividade moi entretida que chamamos "Namórate dun Libro".

Envolvimos todo tipo de libros con papeis fermosísimos que a profe Jésica Marín nos regalou de vellos catálogos de papeis de paredes e os emprestamos "a cegas" a todos os alumnos do colexio.

Trátase dun xeito de animar aos alumnos a achegarse a lecturas que eles posiblemente non elexirían, ademais de facer promoción daqueles libros que habitualmente menos se emprestan.

 

 

díA da paZ

 Este curso fixemos un taboleiro en Inglés con palabras fermosas e personaxes célebres.

Tamén participamos na escritura do "Manifesto pola Paz" do corredor do centro, que despois asinaron todos os alumnos do colexio! 

raQuel caStRo

 

Recibimos na biblio a visita da escritora Raquel Castro para falarnos do seu libro "Sobremesas sobre versos".

As profes Luisa (6º ESO) e María Roma (ESO) tiñan xa traballado moito cos seus alumnos  e feito estas fermosas ilustracións que colgamos nos taboleiros do corredor.

 Os alumnos de Primaria incluso lle fixeron algunhas das receitas do libro para agradecerlle a visita!!!

 

 

díA de maRtiN luTher kiNg 2025

 

Para festexar o día de este loitador polos dereitos civís, dende a Sección Bilingüe de 1º ESO quixemos facer un proxecto sobre bos desexos, ademais de falar un pouco da vida e obra de Luther King.

biBlioTeca inclusiVa

 A fundación IgualArte visitaron hoxe a nosa biblio para darnos a coñecer unha mostra do seu labor artístico con personas con diversidade funcional.

Tamén amosaron unha serie de curtas nas que o grupo Variopinto recollen algunhas situacións de discriminación coas que se atopan todos os días! 

cluB de maNgA 1

 

Este curso creamos o Club de Manga e Anime do colexio, seguindo a estela do Club de Lectura de Cómic Os Atrevidos (de As Portadas de Xan).

Pronto  comezaremos a facer xuntanzas e actividades!