esCoLa de fAmiLiaS

 Grazas á eliminación dos protocolos anti-Covid, puidemos abrir a nosa biblioteca á Escola de Familias organizada polo Departamento de Orientación, así como a varias charlas sobre Educación Emocional, dentro dun PFPP novo deste curso.

día InternaCionaL das personAs con DiscApAcidAde

O Equipo de orientación organizou unha preciosa actividade para festexar o Día internacional das personas con Discapacidade que se celebra o 3 de Decembro.

A actividade titúlase "Baixo o Mesmo Paraugas" e quere axudar a visibilizar os problemas aos que se enfronta este colectivo!

#baixoomesmoparaugas

25 NovemBro: o CPI contra a VioLencia de XéNeRo

O Departamento de Orientación organizou co Concello de Portas un obradoiro moi interesante para fomentar a igualdade en E. Primaria.

"A Igualdade Paso a Paso" consistiu en pintar cadanseu zapato cor violeta e plantar neles unha semente. O obxectivo era representar o camiño cara a igualdade e rexeitar todo tipo de violencia machista!

equiPo de iGualdadE

 

Este curso o Equipo de Igualdade dirixido pola Orientadora do cole, Silvia, realizou un moi interesante proxecto en colaboración co Concello, a Deputación de Pontevedra e Anias: un obradoiro de curtas sobre igualdade e violencia de xénero en Galego.

A verdade é que traballaron a reo e aprenderon moitísimo de planos, son, técnicas, e sobre todo igualdade.

Aquí tedes os links ás entradas no blog de Portalingua coas curtametraxes!!!:

 "A Carga Mental"

"Es muller e sénteste sobrecargada? Sentes que a mochila con pedras se vai enchendo paulatinamente? Ves aquí a todas as mulleres que coñeces? A carga invisible pero pesada que temos por nacer mulleres".

 "Case o Mesmo"

"Que pensamos ante unha conversa aparentemente normal? O que din mulleres e homes está estereotipado? Depende quen fale imaxinamos un tema ou outro?

As diferenzas sociais acentúanse por cuestións de xénero? Ao final xogamos todas e todos o mesmo partido?"

 "A Entrevista"

"As profesións teñen xénero? É casualidade que haxa profesións con máis presenza de mulleres e outras de homes? Porque hai máis profesorado de danza muller? Porque hai máis enxeñeiros home? Con estes interrogantes o noso alumnado cuestionaba a realidade. Dende os xoguetes que nos regalan na máis tenra infancia ata a elección da profesión imos construíndo un sistema de estereotipos que nos condicionan nas nosas eleccións." 

conTra A vioLenCiA de xéNerO 3

Silvia, a nosa orientadora, tamén quixo sumarse á nosa loita contra a violencia de xénero.

Organizou coas alumnas da ESO unha performance polas escaleiras do cole para representar cada unha das vítimas españolas da violencia de xénero do 2020... que aínda está por rematar!

cada rapaza levaba unha breve nota cos datos das mulleres asasinadas.

O resto dos alumnos subiron as escaleiras mentres soaba un tenue requiem, para facer a experiencia máis impactante...

Tamén deseñaron un Photocall e chapas e pegatinas para a ocasión!