DOCUmEntaL dOminGO FontÁN

Hoxe tivemos a honra de poder presentar na nosa biblioteca o documental "Fontán 360. O primeiro rostro de Galicia", realizado polo Departamento de Patrimonio Documental e Bibliográfico de la Diputación de Pontevedra.

Ademais, aproveitamos esta oportunidade paa que o escritor Alberto Fortes nos asinara o noso exemplar de "A viaxe xeométrica de Domingo Fontán".

Para máis fotos e información premede neste LINK AO NOSO BLOG "TRAS OS PASOS DE DOMINGO FONTÁN".

cdU da coNtornA

Xa temos moi avanzado o rexistro de fondos coa nova CDU 04 que leva unha liña distintiva cor laranxa claro para sinalar os fondos relacionados coa contorna, co Concello de Portas, coas publicacións do noso propio CPI e con todo o relacionado con Domingo Fontán, o científico do que levamos o nome.

Esperamos que vos guste!!!

meS da ciEnciA en galegO 2021

Para celebrar o mes da Ciencia en Galego queremos presentar a nova CDU -4- creada na Biblioteca para o CPI, Portas e a contorna.

Tamén inclúe a figura do científico do que levamos o nome, Domingo Fontán e as nosas publicacións, entre as que destaca a nosa Revista PALPURIÑA! 

muRal soBre paTrimoNio LocaL

 "PINTANDO PORTAS" é o título deste mural sobre patrimonio local que estamos a pintar nunha das fachadas do colexio...

Toda a ESO está a poñer o seu graniño de area!

hoMenaXe a doMinGo fonTáN 2020

Este ano non puidemos acudir, por mor do confinamento, á homenaxe que todos os anos fan na casa da cultura de Portas á figura de Domingo Fontán.
Tamén tivemos que pospoñer cara ao curso que ven o obradoiro sobre Gravado Litográfico que íamos facer no taller de Plástica para aprender de preto cómo se gravaros as pedras que deron lugar á estampación da famosa Carta Geométrica de Galicia.

Porén, seguimos a recoller os proxectos sobre o científico no noso blog e tamén maquetamos o libro correspondente á memoria do curso 2018/19 que regalaremos en canto poidamos á Asociación Domingo Fontán.
Ademais estamos a facer deseños par a impresora 3D relacionados con Domingo Fontán: moldes, figuras, chaveiros... a ver se pronto podemos imprimilos!

obRaDoiRo de tRianGulaCióN maTemáTicA

O profe M. Bugallo do Departamento de Matemáticas organizou un obradoiro cos alumnos de Matemáticas Académicas de 4º da ESO sobre triangulación.

Os rapaces aprenden así, de xeito práctico, cómo Domingo Fontán tomou algunhas das medidas sobre o terreo para facer a súa famosísima Carta Geométrica!
Así nos sirve como homenaxe ao grande científico do que o noso centro leva o nome.

imPreSióN 3D: doMiNgo foNtáN

Este curso formamos parte de novo do proxecto "Bibliotecas Creativas", organizado pola Asesoría de Bibliotecas da Xunta.

O ano pasado fixemos o proxecto de Educación Viaria cos Escornabots, e éste dannos a oportunidade de comezar unha interesante incursión no mundo da impresión 3D.

Para comezar a nosa aprendizaxe trouxemos de docente invitada a Teba Santos... quen foi profe de Tecnoloxía durante moitos anos no noso centro e que agora, dende o IES Xunqueira II de Pontevedra veu compartir toda a súa experiencia nas materias de TIC e na optativa "Impresión 3D", na que é experta.
Coma primeria actividade deseñou un chaveiro coa imaxe de Domingo Fontán, vectorizando a súa foto co programa de deseño de software libre Inkscape e, a continuación, realizando o deseño 3D na aplicación gratuita Tinkercad.

Pronto seguiremos aprendendo con ela!!!

priMeirAs proBas coA imPresoRa 3D

Puxemos en funcionamento a nosa impresora 3D e comezamos a facer as nosas primeiras probas co filamento verde que traía!

Realizamos os deseños de chaveiros con formas diferentes nas aplicacións Tinkercad e Freecad e comezamos a imprimilos!

Aínda da algúns erros, debido posiblemente a que o filamento é moi vello e non estivo gardado lonxe da humidade... pouco a pouco imos aprendendo!!!

Por suposto fixemos un chaveiro co nome de Domingo Fontán... aínda que deseñaremos pronto outro coa súa imaxe!

calenDariO 2020

Un ano máis colaboramos co Equipo de Dinamización da Lingua Galega na realización da portada do calendario para este ano...

Eleximos a imaxe de Domingo Fontán, pero realizada con material de refugallo polo Departamento de Plástica e sobre unha das marabillosas, e moi usadas, mesas do taller!!

visitA do ieS boUza breY III

Ao final da xornada fomos á Casa da Cultura para afondar na figura do gran científico da man do experto Braulio Mondragón!

visitA do ieS boUza breY II

A profe Susana, do Departamento de Sociais, explicou aos visitantes do Bouza Brey a exposición que fixeron sobre a Historia da Cartografía de Galicia e, ademais, lles amosou as fotos dos proxectos que realizamos este curso e o anterior sobre a figura de Domingo Fontán.

visiTa do IES bouZa brEy I

Os alumnos do IES Bouza Brey de Vilagarcía están a facer un proxecto sobre Domingo Fontán e aproveitaron para coñecer de preto o seu mapa e o noso cole!
O Departamento de Matemáticas da ESO organizou varias actividades sobre triángulación e trigonometría para realizalas no patio do cole e na Azucareira de Portas.

homEnaXe a foNtán na caSa da cuLturA

Unha estupenda representación do cole asistiú á homenaxe a Domingo Fontán que celebra todos os anos por estas datas a Asociación Cultural que leva o seu nome.
A profe Flora foi a encargada de darlles os nosos agasallos: un collage feito por todos os alumnos do colexio e un libriño que recolle o proxecto sobre o grande científico que levamos a acabo o curso pasado coordinado pola Biblioteca.
Esperamos que lles gustara!!!

aniVerSario doMingO fonTán

Estes son os agasallos que temos preparados para levar ao acto que a Asociación Cultural Domingo Fontán organizou co gallo do aniversario do científico: un marco co collage realizado por todo o colexio e un libriño que resume o proxecto sobre Fontán coordinado dendea Biblioteca o curso 2017/18.

coLLagE de d. fOntÁn

Este curso todo o centro uniúse para facer unha homenaxe artística a Domingo Fontán co gallo do aniversario do seu nacemento.
Todos os alumnos dende Infantil a 4º da ESO colaboraron cun anaco desde creativo collage.
A idea é enmarcalo e levalo de agasallo á Asociación Domingo Fontán na cerimonia a que estamos todos os anos convidados.

o maPa de fonTáN no mUpeGa

No Museo Pedagóxico de Galicia, en Santiago de Compostela, tamén puidemos ver un dos mapas de Domingo Fontán, case igual ao que temos no colexio, aínda que con algunhas partes coloreadas!!!

Explicáronnos brevemente a súa importancia e alegráronse enormemente ao recibir unha visita do cole que leva o seu nome!

Mes da CienCia eN galEgO VI

Tamén colcamos uns carteis explicativos arredor do mapa de Domingo Fontán que temos no corredor do centro.

MeS dA CienciA en GalEgo V

Tamén fixemos unha pequena exposición cos libros que temos sobre Domingo Fontán na nosa Biblioteca!

meS dA CieNciA en galEgO IV

Co gallo da presentación da unidade didáctica no noso centro, fixemos un taboleiro no que resumimos a maior parte das actividades que levamos a cabo o curso pasado sobre Domingo Fontán!

mEs da cieNciA en gaLegO III

Para os alumnos de Primaria do cole tamén houbo un obradoiro no que lles presentaron os conceptos básicos sobre as Matemáticas e Domingo Fontán.