BibioTecA iNcLuSivA

 

A nosa marabillosa alumna lidia landín visitou á nosa biblio para falarlles aos alumnos de 4º da ESO sobre a carreira que estudou ela: TERAPIA OCUPACIONAL.

A verdade é que foi moi interesante e amosa unha profesión moi valiosa da que non tiñamos moito coñecemento! 

eMociOnarTe

 Recibimos a visita de Pedro Feijoo para desenvolver un obradoiro literario organizado pola A Fundación, que se basea nas emocións e a creatividade para facer textos literarios. 

cenTro de díA da 3ª iDade

 

Acudimos, para preparar o Día das Letras Galegas e o proxecto sobre moda do Departamento de Debuxo,  ao Centro de Día da 3ª Idade de Portas para falar cos maiores sobre moda, remedios naturais e cantigas populares.

Ao final acabamos cantando con eles ao son das pandereitas!

biBlioTeca inclusiVa

 A fundación IgualArte visitaron hoxe a nosa biblio para darnos a coñecer unha mostra do seu labor artístico con personas con diversidade funcional.

Tamén amosaron unha serie de curtas nas que o grupo Variopinto recollen algunhas situacións de discriminación coas que se atopan todos os días! 

Proxecto ARTE XITANA

O Departamento de Debuxo realizou un proxecto de investigación sobre varios artistas plásticos de etnia xitana cos alumnos de 1º e 3º da ESO.

 PREMEDE NESTA LIGAZÓN PARA ACCEDER Á WEB DO PROXECTO:

https://sites.google.com/cpidomingofontan.net/artexitana/inicio

 

seMaNa da cuLtuRa xiTana 2

A biblioteca fixo unha exposición e unha guía de lecturas para unirse á celebración da Semana da Cultura Xitana.

Aquí tedes os resultados:

seMaNa da cuLtuRa xiTana 1

A celebración da Semana da Cultura Xitana no CPI Domingo Fontán comezou coa charla na nosa biblioteca "Somos Referentes" na que dúas rapazas xitanas fixeron unha presentación que causou moito interese no noso alumnado.

Pronto seguiremos comentando as distintas actividades!

conTra o buLLYing

Para unirnos á celebración do día contra o acoso escolar fixemos un taboleiro con novas de xornais relacionados co tema.

Ademais, a profe Jessica elaborou unha unidade didáctica moi interesante sobre o libro "Invisible" de Eloy Moreno, adaptado para rapaces de Primaria.

Primeiro leron xuntos o libro, a continuación o puxeron en común e finalmente realizaron un traballo reflexivo persoal.

 

día InternaCionaL das personAs con DiscApAcidAde

O Equipo de orientación organizou unha preciosa actividade para festexar o Día internacional das personas con Discapacidade que se celebra o 3 de Decembro.

A actividade titúlase "Baixo o Mesmo Paraugas" e quere axudar a visibilizar os problemas aos que se enfronta este colectivo!

#baixoomesmoparaugas

biBlio iNcluSivA

 

Aquí poÑemos o LINK á páxina de recursos gráficos de ARASAAC onde podedes encontrar algunhas das iconas que imos empregar na nosa biblioteca!

É moi interesante navegar pola súa páxina web e atopar pictogramas ou aprender a lingua de signos!

Coma eles mesmos se presentan:

ARASAAC ofrece recursos gráficos e materiais adaptados baixo licenza Creative Commons (BY-NC-SA) para facilitar a comunicación e a accesibilidade cognitiva a todas as persoas que, por diferentes factores (autismo, discapacidade intelectual, descoñecemento da lingua, persoas maiores...) presentan graves dificultades nestas áreas, que dificultan a súa inclusión en calquera ámbito da vida cotiá.

O proxecto está financiado pola Consellería de Educación, Cultura e Deportes da Xunta de Aragón e coordinado pola Dirección Xeral de Innovación e Formación Profesional.

día dA saúDe menTal

O 10 de Outubro celebramos o Día da Saúde Mental e dende o CPI quixemos colaborar facendo unha exposición cos fondos que temos relacionados co que a OMS define como "un estado de benestar no que cada individuo desenvolve o seu potencial, pode afrontar as tensións da vida, pode traballar de forma produtiva e fructífera e pode aportar algo á súa comunidade".

Aquí tendes un vídeo que fixo a profe Sé:

biBlioTeca da CuLTurA xiTanA

 

Para festexar este ano o Día Internacional do Pobo Xitano poñemos unha ligazón á Biblioteca da cultura Xitana da universidade de Alcalá que descoñocíamos ata o de agora... a verdade é que é moi interesante e xa nos deu moitas ideas ara aumentar os fondos da nosa Biblio!!!

LINK BIBLIOTECA DA CULTURA XITANA

día Do poBo xiTano

Para festexar neste 2021 o Día Internacional do Pobo Xitano, os propoñemos aquí algúns links de interese sobre a cultura xitana:

 

FUNDACIÓN SECRETARIADO GITANO

BANDEIRA DO POBO XITANO

8 de abril: DÍA INTERNACIONAL DO POBO XITANO

"Lección Gitana": repaso sobre os acontecementos máis importantes da Historia do Pobo Xitano.

"El tatuaje que más duele", contra a discriminación que sofre esta minoría.

Instituto de Cultura Gitana

 

ARTE

HELIOS GÓMEZ (Real Academia de Historia). Artista e ilustrador.

LITA CABELLUT unha das pintoras españolas máis cotizadas na actualidade (aínda que últimamente se cuestiona a súa orixe).

 

UNIDADES DIDÁCTICAS PARA TRABALLAR SOBRE ESTE TEMA:

Generalitat Valenciana (dende Infantil a 4º ESO).

Educar frente al antigitanismo (Ministerio de Educación) -ESO-

Materiales didácticos sobre el pueblo gitano (Ministerio de Educación) -EP-

diaRio de gReg

A profe Eva de 4º EP avisoume de que os seus marabillosos alumnos son uns verdadeiros fans do "Diario de Greg"!

Por iso levamos a nosa caixa de Greg da Biblio para que estea na súa clase un tempo e lles repartimos uns marcapáxinas especiais para que "NON sexan chaíñas" :)

Xusto ao final do curso pasado completamos a colección... pero agora estamos a aproveitar que hai pouco están a editalo en Galego para comezar a mercar os volúmenes!

Ademais van facer cadanseu diario... esperamos que o pasen moi ben e que aprendan moito!

díA da diScaPaciDade: paLabRas de caRameLo

Os alumnos de 3º A están a ler o emotivo libro "Palabras de Caramelo" de Gonzalo Moure, un dos títulos da nosa Biblioteca Inclusiva.

Fala da historia de Kori, un neno xordo e o seu camello Caramelo, no Sáhara. E con é queremos celebrar este ano o Día Internacional das Personas con Discapacidade.

Fixeron ademais un panel sobre o moito que aprenderon!

noVidadEs en ciNemA

Estreamos uns novos andeis para os DVDs da biblio e aproveitamos para rexistrar e etiquetar todos os fondos audiovisuais que temos!

Tamén creamos un novo APARTADO NA WEB do cole no que iremos recollendo información sobre as películas e unidades didácticas para traballar con elas.

Ademais mercamos novas películas moi interesantes... especialmente algúns títulos que tratan valores, diversidade e inclusión: La Chica Danesa, Tomboy, Call me by Your Name, Pride... 

maTeriAl imPreSióN 3D

Chegou puntual o material que mercamos en Smart Materials 3D, despois dunha exhaustiva escolma!
Eleximos filamento de cores moi interesantes como o marfil, o zafiro e o xade.
Tamén mercamos un filamento fluorescente moi especial para os contos luminosos do proxecto de inclusión que leva a cabo a P.T. Davinia!
E, finalmente, un filamento flexible especial para a creación dos moldes que estamos a deseñar para Plástica e Gravado...
Estamos desexando probalos e poder amosaros aquí exemplos!!!

lecTuRa e diVerSidadE

Fixemos unha exposición con algúns dos fermosos libros que nos deixou a Asesoría de Bibliotecas da Xunta na "MALETA VIAXEIRA DE LECTURA E DIVERSIDADE".
A profe Sara contou coa inestimable axuda de Víctor de 2º ESO... moitísimas grazas!!!

Uns poucos dos títulos xa os tiñamos na Biblio... e outros estamos desexando mercalos en canto poidamos para incluilos na nosa Guía de Lectura Inclusiva!!!
A listaxe completa é:

meSa dE luZ

Grazas ao orzamento que nos concederon para o equipamento da Biblioteca Inclusiva a través da Asesoría de Bibliotecas da Xunta. adquirimos, entre outras cousas, unha marabillosa mesa de luz!.
A empregamos moitísimo pois aos rapaces lles encanta e aprenden rapidamente grazas a ela!
Aquí tedes unhas imaxes de cómo os rapaciños a empregan nas Escolas Unitarias:

cuAtRo eSquiNiTaS de nAdA

A nosa PT Davinia preparou cos alumnos de 6º de Primaria a representación do conto "Cuatro Esquinitas de Nada" para celebrar o Día Internacional da Discapacidade 2019.

Empregaron unha fermosísima escenificación con pezas fluorescentes iluminadas con focos especias mercados para este evento...

Os alumnos de 6º o representaron marabillosamente a todos os seus compañeiros de Infantil e Primaria.

Pronto faremos máis cousas semellantes, incluso empregando a impresora 3D!!!

Botade un vistazo ao vídeo: