díA da paZ

 Este curso fixemos un taboleiro en Inglés con palabras fermosas e personaxes célebres.

Tamén participamos na escritura do "Manifesto pola Paz" do corredor do centro, que despois asinaron todos os alumnos do colexio! 

raQuel caStRo

 

Recibimos na biblio a visita da escritora Raquel Castro para falarnos do seu libro "Sobremesas sobre versos".

As profes Luisa (6º ESO) e María Roma (ESO) tiñan xa traballado moito cos seus alumnos  e feito estas fermosas ilustracións que colgamos nos taboleiros do corredor.

 Os alumnos de Primaria incluso lle fixeron algunhas das receitas do libro para agradecerlle a visita!!!

 

 

díA de maRtiN luTher kiNg 2025

 

Para festexar o día de este loitador polos dereitos civís, dende a Sección Bilingüe de 1º ESO quixemos facer un proxecto sobre bos desexos, ademais de falar un pouco da vida e obra de Luther King.

biBlioTeca inclusiVa

 A fundación IgualArte visitaron hoxe a nosa biblio para darnos a coñecer unha mostra do seu labor artístico con personas con diversidade funcional.

Tamén amosaron unha serie de curtas nas que o grupo Variopinto recollen algunhas situacións de discriminación coas que se atopan todos os días! 

cluB de maNgA 1

 

Este curso creamos o Club de Manga e Anime do colexio, seguindo a estela do Club de Lectura de Cómic Os Atrevidos (de As Portadas de Xan).

Pronto  comezaremos a facer xuntanzas e actividades!

 

naDaL 2024

 

Para o Nadal fixemos unha árbore de folerpas de papeis de libros vellos. Tamén unha exposición de fondos relacionados con estas festas e, en xeral, con valores.

Elaboramos estrelas con materiais de refugallo e decoramos o colexio. 

cluB de maNga

Creamos un Club de Lectura de Manga (a partires do club de cómic "Os Atrevidos" de xan Constenla) no que estamos a revisar algúns dos títulos máis coñecidos e a facer unha listaxe para mercar novas coleccións para a nosa biblio.

pReMio tRabaLLo poR pRoxecTos

 

Otorgáronnos o Premio de Traballos por Proxectos da Asesoría de Bibliotecas polo traballo "Arte Xitana" realizado pola profesora Sara Rosales cos 3 niveis de alumnos do departamento de debuxo.

Recibimos un orzamento extra para gastar en materiais e ferramentas interesantes para o noso departamento, cos que queremos mercar un equipo de sublimación, ademais de regalos para os tres alumnos máis implicados.

piaLe en Toronto

 

Os profes Carlos, Sara e Susana, do equipo da biblio, fomos este mes de novembro a facer unha observación de boas prácticas en dous institutos de Toronto (Canadá).

Entre moitas cousas interesantes, puidemos achegarnos a varias bibliotecas públicas con moitos servizos á comunidade. Tamén as bibliotecas dos dous colexios fan un labor moi valioso, por exemplo cos programas de almorzo saudable gratuitos para o alumnado máis desfavorecido.

Tamén visitamos museos, galerías de arte, parques naturais e, por suposto, as Cataratas do Niágara! 

Para máis información e fotos visitade a nosa conta de Instagram. 

 

 

 

 

 

25N

 Os Bolechas chegaron á nosa biblioteca para facer unha representación para fomentar no noso alumnado máis pequeno a defensa da IGUALDADE.