caNcióNs do s. XX

A profe Susana de Inglés comeza todas as súas clases cun gran éxito musical do s.XX para facer unha homenaxe a tantos e tantos grupos e cantantes de fala inglesa que destacaron nesta etapa!!!

conCerTo de preSentaCión do cuRso

Os profes de Infantil e Primaria organizaron un concerto no cole para inaugurar este curso dedicado á música! estivo xenial:

aXenda esColaR

Eva Solla, a xefa do Equipo de Dinamización da Lingua Galega tivo a xenial idea de elaborar unha axenda para os nosos alumnos! e pedíunos axuda para deseñar a portada, contraportada e personalizala un pouco con imaxes e xogos sobre Domingo Fontán e os nosos blogs...

quedou moi chula!

plAmBe 2018/19

a múSicA do s.Xx

Este curso o tema da Biblioteca para o Plan de Mellora das Bibliotecas Escolares é "A Música no século XX".

Haberá moitísimas actividades relacionadas con este tema e... como non... festas, concursos e disfraces!!!

ESPERAMOS QUE VOS GUSTE E QUE APRENDADES MOITÍSIMO!!!

reMaTamoS!!!

Para acabar este curso fixemos os artigos da Biblioteca para a Revista Escolar nos que resumimos o máis salientable das actividades desenvolvidas ao longo do curso.

Tamén deseñamos a portada... dedicada a Domingo Fontán por ser o protagonista dun dos nosos Plans Proxecta deste curso, pero en versión Pop Art imitando a Andy Warhol!!!

A revista competa PALPURIÑA nº16 podes vela na páxina web do centro nesta ligazón.

unHa viAxe iNeSperAdA...

Os marabillosos alumnos de 3º da ESO leron "O Hobbit" a proposta da súa titora Julia e fixeron en EPV un obradoiro de acuarela baseado nos debuxos que fixo o propio J.R.R. Tolkien para ilustrar os seus relatos.

Aproveitamos para facer unha exposición con todos os libros que temos sobre o tema na nosa Biblioteca, xunto co famoso mapa de Thror e o contrato de "saqueador" de Bilbo!

viAxe poLa carTograFía de gaLiciA

O Departamento de Sociais xunto coa Biblio fixo esta interesante exposición sobre a evolución da cartografía do mapa de Galicia. 

Con ela quixemos poñer en valor a importancia da Carta Xeométrica de Domingo Fontán e a increíble novidade que supuso no xeito de medir e representar o territorio. Ademais empregou por 1ª vez en España o sistema métrico decimal!
PASA POLO RECUNCHO DE D. FONTÁN DA NOSA BIBLIO SE QUERES SABER MÁIS SOBRE O TEMA...

Mira o proxecto global no blog TRAS OS PASOS DE DOMINGO FONTÁN

o MaraBillOso librO de FonTán de E. infaNtiL

Os alumnos de 6º de E. Infantil coas súas profes Flora e Yolanda fixeron un fermosísimo traballo sobre Domingo Fontán dentro do Plan Proxecta que coordina a nosa Biblioteca:

Pintaron e troquelaron en forma de mapa de Galicia todas as páxinas de cadanseu libro e escribiron os datos máis relevantes da súa vida... Ao final o coseron eles mesmos para encadernalo.

Quedoulles fantástico!!!
Mira o proxecto global no blog TRAS OS PASOS DE DOMINGO FONTÁN

viAxe ao cEnTro da tErrA

A profe Ana de Bioloxía conseguiu que os alumnos de 3º da ESO se aplicasen coma nunca para facer este panel que nos leva ao interior do noso Planeta:

Fixeron maquetas 3D do interior da Terra, de volcáns abertos para que vexamos as súas entrañas, da superficie terrestre durante un terremoto... e explicaron todo con carteis para que todo o cole poida aprender da súa investigación!!!

viAxe a uN fuTurO quE teMos quE eViTar!!!

O Departamento de Bioloxía xunto coa Biblioteca fixo esta interesantísima exposición sobre a contaminación das augas e o tempo que tardan os residuos en desintegrarse. Ademais elaboraron un video e recolleron moitas das novas que falan sobre este preocupante tema!