enTroidO 2017

Moitos dos cursos disfrazáronse das distintas etapas da Historia para participar no proxecto da Biblioteca do 2017!. 

Aquí tes algunhas das fotos que fixemos. Podes ver máis na páxina web do centro que estamos a construir: PÁXINA WEB CPI DOMINGO FONTÁN

As éPocaS da hiStoriA I: PrehisToriA

Os alumnos de Plástica de 4º da ESO traballaron a reo para imitar aos pintores prehistóricos empregando carbón, barro, terra, e outros pigmentos naturais, aplicándoos con ósos, pedras e pequenas ramas.

saN vaLentíN

Para festexar o Día de San Valentín os alumnos de 3º ESO recrearon algunhas cartas de amor dos personaxes máis célebres da Historia: Napoleón, Kafka, Frida Khalo, Enrique VIII, Flaubert, el Zar Alejandro, Goethe, Keats,...

Traballaron a reo no Obradoiro de Caligrafía e ata fixeron os sobres cos selos e os enderezos dos destinatarios!

canCiónS aRRedor do luMe...

Co gallo da celebración do Día da Paz e seguindo co tema da biblioteca que recorda a nosa historia e lembranzas, o equipo da biblioteca propuxo aos alumnos que gravasen aos seus maiores cantando unha canción antiga para compartila entre todos!
Este é un fragmento do vídeo resultante (o vídeo completo estará exposto no monitor do corredor do centro, por mor do seu peso).
GRAZAS A TODOS OS QUE COLABORARON!!!!

a LenDa das 1.000 gruLlas de pApeL

Os alumnos de 4º, 5º e 6º de Primaria fixeron na clase de Relixión un mural en homenaxe a historia de Sadako Sasaki, e adornáronno con fermosas grullas de origami, tarefa na que tamén participaron os rapaces de 1º e 4º de ESO.

Segundo unha lenda xaponesa, o teu maior desexo se fará realidade se constrúes un milleiro de grullas de papel. A consigna de crear grullas de papel na loita pola paz remóntase á historia de SADAKO SASAKI, una das vítimas cativas da bomba de Hiroshima durante a Segunda Guerra Mundial.

Sadako tiña dous anos cando tiraron a bomba sobre a súa cidade. Dez anos máis tarde, como resultado da radiación producida, os médicos diagnosticáronlle leucemia. Cando a pequena estaba no hospital tratándose da súa enfermidade, a súa amiga Chizucho explicoulle a lenda das grullas de papel. Así Sadako proponse curarse construíndo as mil grullas, porén morreu cando só fixera 644. Simbolicamente, os seus amigos continuaron a súa misión coa esperanza de evitar as guerras futuras e acadar a paz entre todos os países do mundo.

díA da pAz 2017

Os rapaces de Primaria fixeron este fermoso mosaico co rostro de Ghandi e os de Secundaria escribiron as súas frases máis célebres ao seu redor para festexar o Día da Paz 2017.

feLiz anO 4.715!!!

Hoxe comezou o Ano Novo Chinés (o ano do galo) e para conmemoralo fixemos este mural no taboleiro da Biblioteca.
Alí poderás atopar o signo que eres no horóscopo chinés e levarte unha estampación con él!

os eSpañoiS tAméN foMos refuXiadoS e eMigranteS...

Nestes tempos convulsos cremos conveniente recordar que hai poucas décadas os españois (e nós, os galegos, moi especialmente) tamén tivemos que escapar da fame e da guerra... O Equipo da Biblioteca fixo este taboleiro para lembrar aquelas penurias, á vez que amosar o noso apoio a todos os refuxiados que existen no planeta.

fAnTastic FlyiNg bOOks

Os fantásticos libros voadores...

oS ouTroS aNiNovoS

Os musulmáns, chineses, indios, xaponeses e xudeus (entre outros) celebran o Ano Novo noutras datas (guiándose moitos deles polo Calendario Luar) e con festexos, símbolos e xantares moi especiais. 

Estas civilizacións toman como punto de partida momentos significativos das súa historia, polo que non se atopan no 2.017!!!:

O ano chinés 4.714 comezou o 8 de Febreiro do 2.016

O ano 2.073 da Era Vikram (unha das que existen na India) comezou o 30 de Outubro de 2.016

O ano islámico 1.438 iniciouse o 3 de Outubro do 2.016

O ano hebreo 5.777 comezou o 3 de Outubro de 2.016

O ano Heisei 29 (Xaponés) comezou o noso 1 de Xaneiro de 2.017