Os alumnos de 1º ESO están a ler o libro "Mitos Griegos" de María Angelidou na materia de Lengua Castellana da profe Carmen.

A verdade é que á maioría lles está encantando!

Iso animounos en Plástica a facer algúns traballos creativos baseados nestas historias fascinantes: Perseo coa cabeza da Medusa, Apolo e Dafne, Poseidón, O rapto de Perséfone...

En 4º da ESO aproveitamos que estamos a estudar a Arte do Mundo Clásico e que se achegaba o Día dos Namorados para debuxar a carboncillo algunhas das estatuas de mitos gregos relacionados co amor máis fermosas e delicadas da Historia! 

Pronto presentaremos os resultados...

díA munDiaL da raDio

A nosa RADIO RAPEIRA segue funcionando... a pesares das dificultades!

Este ano, para festexar o Día da Radio (13 de Febreiro) o profe Johnny gravou cos seus alumnos de 2º un podcast explicando cómo é a nosa emisora.

Esperamos que vos guste!!!

PREME AQUÍ PARA IR AO LINK NO BLOG DA RADIO RAPEIRA

díA da muLLer e da nenA na cieNciA 2021

Para conmemorar o Día Internacional da Muller e da Nena na Ciencia, o profe Carlos, do Departamento de Bioloxía organizou unha videoconferencia coa Bióloga Andrea Rodríguez Alonso.

Os alumnos de 3º e 4º da ESO, ben separados en distintas aulas, escoitaron con moito interese a presentación desta científica que está a facer a tese doctoral na Universidade da Coruña, na que investiga para conseguir frear a metastase do cancro!

A charla foi moi interesante, partindo da idea de que o que define a un bó científico nunca é o xénero! Tamén nos contou cómo foi a súa traxectoria de científica ata este momento: os seus logros, os seus obxectivos e tamén as dificultades polas que pasou.

Ao fnalizar os alumnos animaronse a facer moitas preguntas!!!

Tamén queremos facer mención á iniciativa "NO more Matildas", da Asociación de Mulleres Científicas, para poñer en valor o traballo e os logros de moitas mulleres que foron ignoradas sistemáticamente neste eido:

#CONÓCELAS  #ASEICAMujer  #11F   #diamujeryniñaenciencia

Mirade a mensaxe tan fermosa que deixou Andrea en Twitter!:

boleTín nº 13. XaNeirO 2021

 

díA da iLusTracióN 2021

Este ano o Día da Ilustración homenaxea a Lolita Díaz Baliño, unha artista pioneira en moitos eidos e que é aínda bastante descoñecida.

Dende a Asesoría de Bibliotecas fixéronnos chegar este vistoso cartel para festexar o día:

Para achegarnos á súa obra podemos ler este artigo na Voz de Galicia e revisar esta entrada na Wikipedia.

díA da paZ 2021

Este ano quixemos festexar o Día da Paz cuns programas de radio organizados polo profe Johnny:

Manifesto pola Paz e Poemas da Paz.

Botádelle unha ollada a este artigo da web do cole se queredes saber máis!

aXudanTeS da biBliO

Os voluntarios de Bibliotecas Escolares Solidarias deste curso decidiron axudar na montaxe de mobles da biblio... Traballaron moito e moi ben!!! aínda que fan un ruido de tolos!

Moitas grazas a Bianca, Nerea, Xurxo, Carla e Yago.

Intercambio de postais de Nadal (proxecto etwinning)

 Como xa ven sendo habitual outro ano máis participamos nun proxecto de intercambio de postais navideñas con centros de toda Europa.

Este é un proxecto interdisciplinar no que participaron as profesoras: María Roma (galego), Sara Rosales (plástica) e Susana Simó (inglés)

É unha actividade na que os rapaces e rapazas participan con moita ilusión xa que é moi emocionante recibir felicitacións de tódolos rincóns de Europa (aínda que este ano , por mor do Covid, serán maioritariamente virtuais).

Este é o estupendo resultado final dos nosos artistas!!! Desexándolles a todos unhas moi felices festas!!!!!

Christmas Cards 2020

díA da diScaPaciDade: paLabRas de caRameLo

Os alumnos de 3º A están a ler o emotivo libro "Palabras de Caramelo" de Gonzalo Moure, un dos títulos da nosa Biblioteca Inclusiva.

Fala da historia de Kori, un neno xordo e o seu camello Caramelo, no Sáhara. E con é queremos celebrar este ano o Día Internacional das Personas con Discapacidade.

Fixeron ademais un panel sobre o moito que aprenderon!

díA conTra a vioLencia conTra a muLLer

Para celebrar este 25 de Novembro os alumnos de 2º Primaria acudiron a visitar un bus moi chamativo.

Ademais os de 3º fixeron un taboleiro onde escribiron as súas ideas sobre este tema: