Entroido de xogos e bailes

Este venres 5 de febreiro celebramos o entroido no centro. Como vén sendo habitual adoptamos a temática da biblioteca para procurar revestirnos no centro. Así, os xogos e deportes foron a temática deste entroido no centro.

O mergullo, doma e equitación, pádel, ciclismo, boxeo, béisbol en Educación Infantil e Primaria e bádminton, judo, rugbi na ESO (golf e fútbol algunhas profes de ESO) xunto cos "bailes" de "animadoras" diversas e fox trot. En fin, deportes e bailes foron protagonistas xunto a algunhas coreografías neste carnaval noso (destacou a dos boxeadores co tema clásico de Rocky)

Día Escolar da Paz e da Non Violencia: Exposición de xoguetes, mans pola paz e dramatizacións

Este venres 29 de xaneiro celebramos no noso centro o Día Escolar da Paz e da Non Violencia (o sábado 30 non hai clase).

Desde o Equipo da Biblioteca estivemos a preparar este mes unha exposición de xoguetes do século XX para achegar o alumnado do centro aos enredos dos pais, nais, avós e avoas (e profesores e profesoras). O obxectivo é coñecer e valorar o patrimonio lúdico da contorna que servía para interaccionar no tempo de lecer das e dos maiores de hoxe cando eran cativas e cativos.

Agradecemos as achegas das familias do alumnado e do profesorado que nos trouxeron mostras de xoguetes de diferentes tempos tales como: pincha-billarda-estornela, chave, carrilanas, camións, coches, "pelis3D", aros roladores, tabas, pitufos, bonecas, cinExin, dominó, bingo, cartas, ....

A exposición permanecerá aberta na biblioteca o luns 2 de febreiro e o martes 3 para que as familias poidan pasar a vela.

Ademais no Equipo de Extraescolares fixeron unha montaxe co símbolo hippie da paz e puxemos as mans de cativos e cativas dentro e fora para conseguir un mural inmenso coas achegas de todas e todos.
A sesión completouse coas actuacións do Club de lectura de Primaria e Secundaria que representaron obras sobre Gandhi, falcatruadas, comportamentos inadecuados e reparación de danos para evitar os conflitos. Pódense ver máis detalles no blog do club de lectura: asportadas.blogspot.com

Exposición de libros de Neira Vilas

Este mes de xaneiro continuamos coa homenaxe ás obras de Neira Vilas. O escritor finado o pasado novembro de 2015 foi obxecto de exposición en decembro. En colaboración co EDLG, co Departamento de Lingua Galega e co club de lectura "As Portadas" imos celebrar os 55 anos da publicación de Memorias du neno labrego. Debuxos de Balbino, portadas, frases da obra son a nosa homenaxe a este clásico moderno da literatura galega.


Ademais continuamos coa exposición de obras súas na entrada da biblioteca para animar á lectura ou relectura destas obras enblemáticas das nosas letras xunto con algunha das súas últimas publicacións como O xardín de Irene, obra pensada principalmente para o público infantil que poden ler en conxunto cos adultos e adultas.

Aproveitamos tamén para expoñer este mes portadas de obras emblemáticas de Neira Vilas e que maioritariamente se atopan no centro: Cartas a Lelo, Memorias dun neno labrego, Querido Tomás, O cabaliño de buxo, Xente no rodicio, Histiorias de emigrantes son algúns dos clásicos do escritor de Vila de Cruces que temos expostas. A conmemoración da publicación de Memorias é unha boa oportunidade para ler ou reler calquera das súas obras.

Neira Vilas na biblioteca do CPI Domingo Fontán

O pasado 27 de novembro faleceu Xosé Neira Vilas. 

O escritor de Gres é coñecido pola súa sinxeleza e efectividade expresiva ao tempo que destaca por debuxar coas palabras unha obra na que asoman os galegos e galegas de interior na segunda metade do século XX: a pobreza, a emigración, a dureza de traballo no agro pero tamén a amizade, a esperanza, a dignidade, a cultura, a intelexencia da infancia e outros eran temas que con frecuencia recorrente tocou nas súas obras.

Foise un dos grandes pero na biblioteca queremos renderlle homenaxe e por iso comezamos unha exposición sobre o escritor de Vila de Cruces: un pequeno mural lembrando a súa figura e obra e unha exposición de libros seus na entrada da biblioteca

Todo isto poderedes atopar estes días sobre Xosé Neira Vilas. IN MEMORIAN

xOGOS pOPULARES nO mAGOSTO

 
Este luns 16 de novembro celebramos o magosto no CPI Domingo Fontán. Como vén sendo habitual celebramos a xornada nas horas da tarde e acompañamos o asado de castañas con algúns xogos tradicionais. Mais este curso, dado que o proxecto da biblioteca é "xogos, bailes, danzas e deportes",  realizamos máis actividades ca nunca sobre este tema.

Na realización das actividades, ademais do Equipo de Biblioteca e Extraescolares, participou activamente o EDLG que se encargou de contactar cunha asociación dedicada á recuperación do xogo popular e tradicional e que nos enviou un lote de 25 xogos para o centro (ao longo do curso enviaranos outros lotes tamén de 25 xogos, todos distintos)

Ademais, realizáronse algunhas actividades extras relacionadas con xogos tradicionais: o pano, o tira-puxa da corda, birlos,.... As escollas de equipo nas competicións grupais fixéronse co tradicional "Pasa Martiño" ou "Pasa Perico" (versión autóctona da que é unha variante o coñecido "Pasimisí, pasimisó").

Ao final resultou moi entretida a tarde, recuperando parte da nosa tradición cultural lúdica ao tempo que pasabamos uns intres divertidos e, como non, degustabamos unhas saborosas castañas asadas pola dirección do centro coa axuda de integrantes da ANPA.

vIDEOCONFERENCIa dA xORNADa dA cIENCIa eN gALEGo

Este mércores 4 de novembro celebrouse o VI Día da Ciencia en Galego organizada pola Coordinadora Galega de ENDL e a Universidade da Coruña. No noso centro apuntámonos á actividade central desta data, a videoconferencia "A máquina que constrúe a mente e a realidade", do profesor do Departamento de Medicina da UdC Xurxo Mariño.

A videoconferencia ofreceuse na biblioteca do noso centro ao tempo que se ofrecía en 106 centros máis en toda Galicia. A proxección realizouse de 12.30 a 13.30. Ao acto asistiu o alumnado de 3º e 4º de ESO e algún profesorado, polo que se xuntou máis de medio cento de persoas na transmisión.

Esta actividade contou co apoio do Equipo de Dinamización da Lingua Galega, Biblioteca e Extraescolares e dos Departamentos de Galego, Ciencias e Tecnoloxía.

Actividades de Samaín na biblioteca

Ao chegar o Samaín enchemos de terror a biblioteca coma nos últimos anos. Como vén sendo habitual fixemos as tradicionais dramatizacións de contos. Este curso realizamos, a maiores, un concurso de contos de medo para outorgar un agasallo por curso.

Os agasallos, unhas cabazas cheas dun produto terrorífico, lambetadas, outorgábaselle ao relato que lle pareceu máis interesante ao xurado deste ano (Departamento de Extraescolares), mais para repartir entre as e os integrantes do curso xa que o interesante era facer o conto de medo e estimular a imaxinación.

 En primaria organizámonos en catro quendas para lermos Tanneke, princesa das bruxas co club de lectura e logo escoitamos as redaccións que gañaron en cada curso para entregarlles os premios.

En ESO fixemos o xa tradicional contacontos inglés-galego e un conto interactivo, "os sesos do mor
to" onde repartiamos os restos mortais dun finado. Tamén lemos os contos de medo premiados no concurso organizado por Biblioteca, Extraescolares e o EDLG.

pENDURANDo cONTOs dE mEDo

No corredor da biblioteca penduramos unha chea de contos de medo para invitar a lelos a quen quixese nestas datas próximas ao Samaín.

Historias como "O cabalo do demo", "A meiga e o pescador" ou "O defunto dos dentes grandes" serviron para atemorizar a todo aquel que se parase cinco minutos.

Estas historias estaban sacadas do libro Contos e lendas dos países celtas

Concurso de contos de medo para o Samaín

O EDLG, en colaboración co Departamento de Biblioteca e Actividades Extraescolares, elaborou un concurso de contos de medo para o Samaín. Dado que o proxecto da biblioteca deste curso son os xogos, deportes, bailes e danzas, había que incluír unha destas palabras no relato. Concedeuse un premio por curso, aínda que nalgúns cursos destacaron pola súa calidade e participación, todas as etapas do centro conseguiron presentar, en xeral, uns textos finalistas moi interesantes.

As historias premiadas (unha por curso) foron lidas polo club de lectura na celebración do Samaín este xoves 29 de outubro dentro das actividades da biblioteca.

 Os textos seleccionados para representar cada curso foron os seguintes:

Infantil: "Aventura no Samaín", texto colectivo de toda a etapa

Primaria:
1º... "O gato pantasma" de Daniela Fontenla
2º... "A pelota desaparecida" de Uxía Rodríguez
3º... "Un zombi no Domingo Fontán" de Hugo Rebón
4º... "O hotel misterioso" de Andrea
5º... "O medo aos vampiros" de Pablo
6º... "Xenerosa de Prixel" de Lucía Piñeiro

ESO
1º... "Unha bruxa" de Sabela Búa
2º... "A danza da morte" de Lucía Crespo
3º... "O bailarín da escuridade" de Manuel Gorís
4º... "Sorpresa, sorpresa" de Óscar Barreiro

Na categoría de comunidade escolar (pais, nais, profesorado, etc)
"un rápido atallo" de Baia Fernández

oBraDoiRo de esTamPacióN polo sAmAíN

Este ano, co gallo do Samaín, fixemos un obradoiro de estampación de camisetas e doutros tecidos con motivos terroríficos sacados da fermosa película "Pesadelo antes do Nadal", cos seus protagonistas: Jack, Sally, Zero...

Fixemos estampacións mediante serigrafía de obturación directa e tamén empregamos sprays con plantillas...

A verdade é que os resultados foron moi bos!!! (na presentación da parte inferior podes velas máis polo miúdo).

Esperamos que vos gusten!!!