aXudanTeS da biBliO

Os voluntarios de Bibliotecas Escolares Solidarias deste curso decidiron axudar na montaxe de mobles da biblio... Traballaron moito e moi ben!!! aínda que fan un ruido de tolos!

Moitas grazas a Bianca, Nerea, Xurxo, Carla e Yago.

Intercambio de postais de Nadal (proxecto etwinning)

 Como xa ven sendo habitual outro ano máis participamos nun proxecto de intercambio de postais navideñas con centros de toda Europa.

Este é un proxecto interdisciplinar no que participaron as profesoras: María Roma (galego), Sara Rosales (plástica) e Susana Simó (inglés)

É unha actividade na que os rapaces e rapazas participan con moita ilusión xa que é moi emocionante recibir felicitacións de tódolos rincóns de Europa (aínda que este ano , por mor do Covid, serán maioritariamente virtuais).

Este é o estupendo resultado final dos nosos artistas!!! Desexándolles a todos unhas moi felices festas!!!!!

Christmas Cards 2020

díA da diScaPaciDade: paLabRas de caRameLo

Os alumnos de 3º A están a ler o emotivo libro "Palabras de Caramelo" de Gonzalo Moure, un dos títulos da nosa Biblioteca Inclusiva.

Fala da historia de Kori, un neno xordo e o seu camello Caramelo, no Sáhara. E con é queremos celebrar este ano o Día Internacional das Personas con Discapacidade.

Fixeron ademais un panel sobre o moito que aprenderon!

díA conTra a vioLencia conTra a muLLer

Para celebrar este 25 de Novembro os alumnos de 2º Primaria acudiron a visitar un bus moi chamativo.

Ademais os de 3º fixeron un taboleiro onde escribiron as súas ideas sobre este tema:

noVidadEs en ciNemA

Estreamos uns novos andeis para os DVDs da biblio e aproveitamos para rexistrar e etiquetar todos os fondos audiovisuais que temos!

Tamén creamos un novo APARTADO NA WEB do cole no que iremos recollendo información sobre as películas e unidades didácticas para traballar con elas.

Ademais mercamos novas películas moi interesantes... especialmente algúns títulos que tratan valores, diversidade e inclusión: La Chica Danesa, Tomboy, Call me by Your Name, Pride... 

MonTaXe das aDquiSicióNs

Ramón, o noso conserxe, esforzouse a reo para montar todos os novos mobles da biblio!

Ademais repintou a parede e ancorou todas as estanterías para que sexan seguras para os rapaces.

Todo está quedando moi chulo... MOITÍSIMAS GRAZAS!!!

saMaín 2020

Obradoiro de Cómic: THE WALKING DEAD

Os alumnos de 3º e 4º da ESO fixeron un obradoiro de cómic baseado na saga dos Mortos Vivientes, empregando tinta chinesa.

A verdade é que os resultados foron moi bos!

Seguindo o protocolo anti-Covid non espuxemos os traballos no taboleiro coma outros anos, porén podedes botarlles unha ollada as fotos.

coMenZanDo o caMiñO

Os rapaces de 3º de EP, coa súa profe Patri, comezaron xa a adentrarse no proxecto deste ano do noso PLAMBE: "O Camiño de Santiago".

Fixeron cadansúa cuncha de PEREGRINO coa CRUZ DE SANTIAGO para poñela ao pescozo... quedaron moi ben!!!

díA das bibLioTecaS

Cada 24 de Outubro celebramos o Día das Bibliotecas.

Este curso a nosa biblio non está todo o aberta que quixeramos... pero segue en funcionamento!

Para festexar este día decidimos dar un presente a cada alumno do cole:

Aos máis pequenos lles regalamos libros dos Bolechas sobre medio ambiente e reciclaxe, aos medianos libretas decoradas das bibliotecas e aos maiores camisetas. E marcapáxinas da nosa biblio para todos!

FELIZ DÍA!!!

díA das eScritoraS

O Día das Escritoras celébrase o luns máis cercano ao 15 de Outubro.

Pretende recuperar o legado das mulleres escritoras e facer visible o seu traballo na Literatura ao largo da Historia.​

Nós aproveitamos esta ocasión para amosar os carteis de escritoras galegas que o Equipo de Dinamización da Lingua Galega colocou nalgunhas das aulas do noso cole!

o veRme daS lecTuraS

Este curso os rapaces de 3º de EP en vez de facer os seus famosos pasaportes literarios, crearon cadanseu VERME de lecturas no que van engadindo aneis segundo os libros que leen.

A verdade é que é unha idea moi orixinal e que lles anima moito a seguir lendo a pesares do curso complicado que temos por diante!

moBiliaRio noVo

Grazas ao orzamento para equipamento otorgado pola Xunta no Proxecto PLAMBE puidemos adquirir uns novos complementos para a nosa biblio: un moble de caixóns vermello para os xogos da B. Inclusiva, estanterías específicas para os DVDs, papeleiras con tapa, novos mobles por módulos para libros e un deshumidificador realmente práctico e elegante!

Aproveitamos para facer unha gran redistribución, limpeza e repintado da sala... pronto poremos fotos dos resultados!

adeUs a quiNo

Hoxe deixounos Joaquín Salvador Lavado, o famoso QUINO, creador da inmortal Mafalda.

Eu tiven o honor de coñecelo, hai xa moitos anos, cando veu a Sanxenxo con Juan Padrón, outro gran debuxante, que tamén nos deixou hai ben pouco 😔

Aquí deixamos algúns links a varios xornais que recollen esta triste nova:

La Vanguardia

El País

El Mundo

pREpARaNDO O CeNtRO pARa O CuRsO 2020/21

Estamos a preparar o noso cole para facelo o máis seguro que poidamos fronte ao COVID-19:

Cambio de horario de recreo, aumento dos turnos de comedor, desmontaxe e almacenaxe de mobles, colocación de circuitos para a mobilidade, limpeza exhaustiva, novo cableado, aumento das zonas de acceso, división dos patios, separación entre pupitres, desdobre de grupos, aumento de gardas, colocación de cartelería e xel hidroalcohólico…

E, sobre todo, a adaptación da nosa querida BIBLIOTECA, que xa servía de lugar de lectura, academia de Xadrez, espazo para traballar en grupo, sala de exposicións, aula de Valores Éticos, recreo sempre que chove, cine, salón de actos “improvisado”, aula do Plan Madruga, sala de reunións… e agora tamén de COMEDOR!

Por favor, estade atentos ás instruccións que os vaiamos dando e seguide as normas para que este curso acabe con éxito.

Moitas grazas!!!

P.D. Seguiremos aumentando a galería de fotos:

pRemiO eiSneR 2020

A ilustradora galega Emma Ríos gañou o premio Eisner 2020 á mellor portada polo seu traballo en "Bella Muerte 3. La rata", publicado en castelán pola editorial vasca especializada en novela gráfica Astiberri.

La Voz de Galicia

equiPo de iGualdadE

 

Este curso o Equipo de Igualdade dirixido pola Orientadora do cole, Silvia, realizou un moi interesante proxecto en colaboración co Concello, a Deputación de Pontevedra e Anias: un obradoiro de curtas sobre igualdade e violencia de xénero en Galego.

A verdade é que traballaron a reo e aprenderon moitísimo de planos, son, técnicas, e sobre todo igualdade.

Aquí tedes os links ás entradas no blog de Portalingua coas curtametraxes!!!:

 "A Carga Mental"

"Es muller e sénteste sobrecargada? Sentes que a mochila con pedras se vai enchendo paulatinamente? Ves aquí a todas as mulleres que coñeces? A carga invisible pero pesada que temos por nacer mulleres".

 "Case o Mesmo"

"Que pensamos ante unha conversa aparentemente normal? O que din mulleres e homes está estereotipado? Depende quen fale imaxinamos un tema ou outro?

As diferenzas sociais acentúanse por cuestións de xénero? Ao final xogamos todas e todos o mesmo partido?"

 "A Entrevista"

"As profesións teñen xénero? É casualidade que haxa profesións con máis presenza de mulleres e outras de homes? Porque hai máis profesorado de danza muller? Porque hai máis enxeñeiros home? Con estes interrogantes o noso alumnado cuestionaba a realidade. Dende os xoguetes que nos regalan na máis tenra infancia ata a elección da profesión imos construíndo un sistema de estereotipos que nos condicionan nas nosas eleccións." 

Mediametraxe sobre «Harry Potter»

Como xa anunciaramos anteriormente, Zaira Ruibal Rivas e Simón Seijo García, alumnos de 2º de ESO, prometían continuar abraiándonos co seu talento para a cinematografía que xa demostraran coa curta «El auga deshidrata», realizada como tarefa da materia de Lingua Castelá e Literatura. O que non podiamos de ningunha maneira enxergar era que esta segunda entrega sería a dunha mediametraxe de 45 minutos sobre o universo de Harry Potter, creado pola escritora J. K. Rowling. 

Segundo eles mesmos confesan, os libros desta saga resultáronlles de vital importancia durante o periodo de confinamento. Como teredes ocasión de comprobar, non só son uns auténticos expertos na materia da que falan, senón que tamén dominan á perfección a linguaxe audiovisual. Gustaríanos salientar a asombrosa capacidade que demostran Simón e Zaira para mesturar o rigor expositivo e documental coa ficción e a orixinalidade interpretativa. Confiamos en que non abandonen endexamais esta paixón pola séptima arte e que sigan facéndonos partícipes de marabillosos traballos como o que aquí presentamos. 

Unha vez máis, moitísimas grazas e parabéns, Zaira e Simón!

 

N.B. Por mor de cuestións técnicas, a versión da mediametraxe que presentamos aquí non ten toda a calidade de imaxe que desexariamos. Agardamos que non sexa un impedimento para o desfrute da mesma.

Poemos e persoas

Tal e como avanzaramos nunha entrada anterior, os alumnos de Lingua Castelá e Literatura de 1º e 2º da ESO estiveron traballando a partir de dous poemas de Jesús Lizano, que empregaron como modelos para as súas propias creacións. Mentres algúns falaban sobre o tipo de persoas lles gustan (e disgustan), outros lanzáronse a escribir os seus propios «poemos», como este do noso xa coñecido poeta e mamífero:

Na seguinte presentación podedes atopar os poemas e poemos dos nosos talentosos alumnos:

Last but not least, Natalia Caamaño Arzúa (1º ESO A2), animouse a facer un fermoso videopoema:

OuLiPo

Na materia de Lingua Castelá e Literatura improvisamos un obradoiro de literatura potencial a imitación do grupo de experimentación literaria OuLiPo (Ouvroir de littérature potentielle) que fundaran o escritor Raymond Queneau e o matemático François Le Lionnais no ano 1960 e que, a través de xogos lóxicos, problemas matemáticos e constricións, perseguía crear obras diferentes e orixinais. 

Propuxémoslles aos nosos alumnos dúas tarefas diferentes. A primeira delas era unha bóla de neve de lonxitude n, que é un poema cuxo primeiro verso está formado por unha palabra dunha única letra, o segundo dunha palabra con dúas letras, etc., ata o n-ésimo, que consta dun verso con n letras. Neste caso tratábase de facer unha bóla de neve de lonxitude 10, aínda que algún dos nosos autores optou por facer algunha variación máis complicada.

Podedes atopar os resultados na seguinte presentación (lembrade premer no botón de pausa para ler con atención os textos):

A segunda das tarefas estaba pensada como unha homenaxe ao novelista francés Georges Perec (1936-1982), concretamente á súa novela La disparition (1969), na que ao longo das súas trescentas páxinas non aparecía a letra E, a máis frecuente no francés. A novela foi traducida ao castelán como El secuestro, e nesa versión omitiuse o A, a letra máis empregada neste idioma.

Georges Perec

Así pois, os nosos alumnos escribiron un lipograma, isto é, un texto no que se omite sistematicamente algunha letra do alfabeto, neste caso o A. Nestoutra presentación podedes ver os curiosos e simpáticos resultados:

díA muNdial doS refuxiadoS

O 20 de Xuño celebramos o Día Mundial dos Refuxiados. 

Para sumarnos a esta conmemoración e, a modo de reivindicación, lembramos unha exposición que fixemos na Biblio hai uns anos, cando o tema do noso PLAMBE era a Historia:

"Os españois tamén fomos emigrantes e refuxiados..."

Nela amosabamos algunhas das fotografías máis icónicas da nosa diáspora: de Manuel Ferrol, Estudio Blanco, Alberto Martí... así como datos e novas recollidas dos xornais da época.

Estas imaxes que conxelan o sangue, a verdade é que non difieren moito das que hoxe en día vemos na tele das persoas que sofren a perenne Guerra de Siria, as dos migrantes que recorren a pé toda Centroamérica ou do campo de refuxiados de Zaatari, o máis grande do mundo, con cerca de 150.000 habitantes.

Engadimos agora dous artigos moi interesantes sobre fotos de refuxiados españois tras a Guerra Civil:

"31 fotografías impactantes de cuando los españoles fuimos refugiados" 

"Las fotos inéditas del exilio republicano que han sido descubiertas en una maleta".

Ademais queremos poñer aquí a ligazón a unha fermosa inciativa de ACNUR (a Axencia da ONU para os refuxiados) para celebrar este día.

E tamén ao vídeo do tema "Pasarán" composto para a ocasión por Juanes e o rapeiro Nach:

"Dejé de contar miserias y empecé a contar futuros

fui un náufrago de un pueblo en apuros, sin armas ni escudos

el tiempo sin fe, nada más duro que marchar desnudo

agarrar mi tristeza y romper sus nudos

los muros de mi alma son polvo, los convierto en pólvora

así combato contra tu mirada incómoda"...

Telediario rtve a la carta

Esperamos que vos guste e lembrade o himno da celebración deste ano: "Todo o mundo pode marcar a diferencia. Toda acción conta".

paSaMenTo do eScriTor caRloS ruiZ zaFóN

“Cada libro, cada tomo que ves, tiene alma. El alma de quien escribió, y el alma de quienes lo leyeron y vivieron y soñaron con él". 

La Sombra del Viento. @ZafonOficial

Hoxe faleceu o escritor Carlos Ruiz Zafón, autor das marabillosas "La Sombra del Viento" e "El Cementerio de los Libros Olvidados", entre outras.

En canto a "nova realidade" nolo permita... visita a nosa Biblio para atopalos!

NOVELAS

EL PAÍS

Medo e outros animais

Paula Rego - Good Dog

Na materia de Lingua Castelá e Literatura propuxémoslles aos nosos alumnos que se atrevesen a exorcizar os seus medos e temores. Que mellor xeito hai de facelo que escribindo poesía? Para iso, seguiron o modelo do poema «Fear», do escritor estadounidense Raymond Carver, e que souberon adaptar ás súas necesidades individuais.

Algúns deles, porén, preferiron indagar noutros sentimentos ou emocións diferentes, como a ledicia, a tenrura, o afecto... e mesmo nos soños. Algunha rapaza contribuíu tamén cun poema un chisco diferente...

Na seguinte presentación podedes atopar un bo feixe de fermosos textos (tedes a opción de poñela en pausa para lelos co detemento que requiren e merecen). Moitas grazas e parabéns a todos!

 

GuíaS dE lecTuRa caRa ao veRáN

A Asesoría de Bibliotecas ven de crear un apartado para recoller as distintas Recomendacións de Lectura para o Verán que van propoñendo as Biblotecas Escolares...

Bótadelle unha ollada á ligazón!

GUÍAS para VERÁN

Poesía visual

Na materia de Lingua Castelá e Literatura prupoxémoslles aos nosos alumnos que se achegaran ao fascinante mundo da poesía visual a través dunha escolma de obras de Nicanor Parra, Joan Brossa, Chema Madoz, Guillaume Apollinaire, etc. A continuación eles debían ben facer as súas propias obras seguindo eses modelos, ben compoñer un poema a partir dalgunha das imaxes propostas.

Velaquí tedes os estupendos e suxestivos resultados. Moitas grazas e parabéns a todos!

«Las personas curvas»

Jesús Lizano (1931-2015)

Na materia de Lingua Castelá e Literatura propuxémoslles aos nosos alumnos de 2º da ESO que leran (e escoitaran) o poema «Las personas curvas», do heterodoxo e xenial mamífero, poeta e pensador Jesús Lizano, cuxo quinto cabodano se cumpriu hai uns días.

A continuación suxerímoslles que compuxesen un poema persoal que seguise o de Lizano como modelo. Porén, Zaira Ruibal Rivas, de 2º ESO A, animouse a facer un emotivo recitado, que agora compartimos con todos vós.

Deixámosvos aquí este saboroso petisco mentres agardamos polos traballos dos seus compañeiros:

Moitas grazas e parabéns, Zaira!

Cabaret Voltaire

Nesta ocasión, os nosos alumnos de Lingua Castelá e Literatura deixáronse inspirar polos manifestos de Tristan Tzara e seguiron as súas instrucións para elaborar un poema dadaísta. Os resultados son realmente salientables! 
Parécense os poemas aos seus autores? Resultan feiticeiros? Na presentación poderedes comprobalo, pero o grupo dadaísta de Portas nada lle ten que envidiar a Hannah Höch, Hugo Ball ou Kurt Schwitters! Fümms bö wö tää zää Uu, pögiff, kwii Ee!  
Moitas grazas e parabéns a todos!

eX liBriS

Aquí vos deixamos unha escolma de deseños de ex-libris que fixeron os alumnos de Gravado e Estampación (G.R.E.S.) de 1º e 2º da ESO.

Un ex libris é unha marca de propiedade que consiste nun selo que se estampa no reverso da cuberta dun libro, e que contén o nome do seu dono ou da biblioteca á que pertence e, moitas veces, un debuxo que fai referencia aos gustos do propietario.

Dito nome (ou iniciais) vai precedido normalmente da expresión latina ex libris que significa:“de entre os libros de...” 

A idea é facelos en caucho cando volvamos ao cole!!!

Booktráiler de «Don Quijote de La Mancha»

Compartimos con todos vós o divertido booktráiler sobre Don Quijote de La Mancha, de Miguel de Cervantes, realizado por Lucía Piñeiro Pérez (1º ESO) para a materia de Lingua Castelá e Literatura. Agardamos que aqueles que aínda non vos achegarades a el vos animedes a ler este divertido e intelixente clásico da Weltliteratur. Moitas grazas e parabéns, Lucía!

Videopoemas de 2º ESO

Compartimos dous novos videopoemas, neste caso realizados por Soraya García Jamardo e Hugo Sayáns Mosquera, ambos alumnos de 2º ESO A, nos que plasman as emocións e reflexións que lles suscitou a situación excepcional que vivimos. Agardamos que vos gusten. Parabéns e moitas grazas, Soraya e Hugo!

biBlioTecA creaTivA: noVos deSeñoS

Estamos a facer novos deseños para a nosa impresora 3D... 

Aquí podedes ver unhas fichas de puzzle e as primeiras pezas do noso futuro taboleiro de Xadrez que imprimiremos en fío fluorescente!

faVorite fiLmS anD booKs

Os alumnos de Inglés de 3º da ESO fixeron estes videos para explicarnos cales son os seus libros e pelis favoritos!

coVid-19 inFormaTioN

Os alumnos de 5º e 6º fixeron este interesantísimo vídeo informativo sobre o Coronavirus na materia de Inglés coa teacher Rebeca.
Esperamos que vos guste e que aprendades moitísimo.
Grazas a todos polo voso traballo!!!

coRresPondenTes xuVeníS

Rematamos por este ano a nosa participación no Plan Proxecta Correspondentes Xuvenís 3.0
Non acabou como esperabamos... pero fixemos o que puidemos!
Este curso o equipo de correspondentes foi un pouco preguiceiro... pero a verdade é que o compensan coa súa simpatía (menos mal!)
E o deberon de pasar moi ben en Gandarío... porque é o que máis recordan...

Moitas grazas a todos por participar!!!
Botamos de menos aos dous que xa non están no cole: Damian e Camila!

Curtametraxe: «El agua deshidrata»

Na materia de Lingua Castelá e Literatura propuxémoslles aos nosos alumnos que realizaran un videopoema, pero a algúns deles parece que lles soubo a pouco a idea e lanzáronse a facer unha curtametraxe. Este é o caso de Zaira Ruibal Rivas (2º ESO A) e de Simón Seijo García (2º ESO B), que nos queren sorprender co seu traballo El agua deshidrata. Trátase dunha curtametraxe de corte experimental, con claras influencias de David Lynch e do primeiro Michael Haneke, na que a realidade e a ficción se mesturan para propoñernos unha reflexión sobre os perigos que conleva o consumo acrítico e impensado de informacións non contrastadas. A pesar das dificultades xeradas pola situación de corentena, estes dous mozos realizadores, guionistas e intérpretes fan unha abraiante despregadura de medios e inxenio para ofrecernos unha, pola súa duración, pequena obra mestra da séptima arte. Prometen seguir asombrándonos cunha segunda curtametraxe e confiamos en que continúen progresando nos vieiros do cinema. Moitas grazas e parabéns, Zaira e Simón!

díA muNdiAl do mEdiO aMbiEnTe

Hoxe, 5 de Xuño, celebramos o Día Mundial do Medio Ambiente.

Este curso, o tema do noso PLAMBE (Plan de Mellora das Bibliotecas Escolares) foi "Un Mundo Sostible".

Por mor do confinamento non puidemos facer todas as actividades sobre reciclaxe, sostenibilidade e coidado do medio ambiente que tiñamos previstas... Porén, a nosa idea sempre foi implementar estas iniciativas no centro para que representasen un cambio nas nosas dinámicas diarias, polo que nos próximos cursos retomaremos e/ou reformularemos moitos destes proxectos.

Aquí os deixamos algunhas ligazóns a temas de actualidade:

"Proteger o medio ambiente: el mejor antiviral tras la COVID-19" 

"Coronavirus y cambio climático"
"Los océanos ya están sufriendo los estragos de la COVID"
Mensaxe do secretario Xeral da ONU

FELIZ DÍA A TODOS!!!

aPadRiñAmenTo lectoR e lecTurA comParTida

Este curso non puidemos facer a xa tradicional xornada de lectura compartida e apadriñamento lector por mor da pandemia 😔

A verdade é que foi unha pena... porque sempre resultaba un día moi interesante e daba lugar a unhas fotos realmente bonitiñas!

Porén, algúns dos nosos alumnos quixeron deixar a súa pegada lendo uns anaquiños dalgúns contos e poemas para facernos máis amena a cuarentena.

Aquí están os seu vídeos... MOITÍSIMAS GRAZAS POR PARTICIPAR!!! sodes marabillosos 😊

deScriBinG aniMalS

Aquí tedes outro vídeo dos alumnos de Inglés como parte do proxecto da teacher Rebeca con descricións e debuxos sobre animais realizado durante o confinamento.

Os protagonistas son alumnos de 1º, 3º e 4º de E. Primaria.

Nesta ocasión anímanse a falar diante da cámara... Moi ben feito chicos!!!

aniMal riDDle

A teacher Rebeca de Inglés fixo este fermosísimo vídeo cos alumnos de 2º de Primaria que recolle un dos traballos realizados durante o confinamento.

O proxecto consistía en elaborar unha adiviña de xeito cooperativo e acompañala con debuxos de animais que teñen (ou non) o que eles reflexan.

Estes marabillosos alumnos aprenden vocabulario á vez que fomentan a súa creatividade!

Moitísimas grazas a todos por participar!!!

DO YOU DARE TO SOLVE THE RIDDLES???

StOP RAcISM

Para ver outros traballos desta interesante ilustradora: Delphine Labedan

E aquí a fermosísima obra de Benjamin Lacombe

Youtubeir@s 2020 (GALEGO)

Os premios Youtubeir@s teñen como finalidade animar a creación de vídeos con temáticas e formatos diversos e sumar visibilidade á produción en galego e á comunidade youtubeira.

Poden optar a estes premios todas as persoas maiores de 14 anos con vídeos autoproducidos subidos a Youtube. Pódese participar cun vídeo, con varios vídeos e/ou cunha canle.

- Todos os vídeos inscritos teñen que estar publicados con data posterior ao 27 de setembro de 2019 na plataforma de vídeos Youtube, sen restricións de privacidade e cos cancelos #youtubeiras #youtubeiros na descrición do vídeo.
- No caso de presentar unha canle, esta ten que conter cando menos 5 vídeos realizados con data posterior ao 27 de setembro de 2019, estar en galego e ter na descrición os cancelos #youtubeiras #youtubeiros, sen restricións de privacidade.
- Os vídeos individuais que sexan presentados a Youtubeir@s teñen que estar integramente en galego.
- As canles de Youtube presentadas deben ter a maioría dos vídeos en galego.
- Os títulos dos vídeos, as descricións e os subtítulos permanentes (de habelos) teñen que estar en galego.

Para ver os Premios visita a sua web!!!: https://youtubeiras.gal/ 
O prazo para inscribir os vídeos e canles no Premios Youtubeir@s é ata o 23 de outubro de 2020 ás 23.59 h. A participación está aberta ao ámbito internacional e é de balde.

As persoas participantes deben inscribirse a través do formulario que figura na web www.youtubeiras.gal 

Videopoemas de 1º da ESO

Nesta ocasión son dous os videopoemas que compartimos convosco: o primeiro realizouno Bianca Fariña Río (1º ESO) e trátase dunha fermosa e lírica composición que se inspira nas formas e nos temas da tradición popular para facer unha oda en loanza da Lúa. O segundo deles, realizado por Natalia Caamaño Arzúa (tamén de 1º ESO), é un emotivo chamamento á solidariedade e ao apoio mutuo para saírmos da situación que estamos a vivir. Parabéns ás dúas e moitas grazas polos vosos traballos!

 

Mellor reparar que tirar: SOSTENIBILIDADE

Ponse en marcha unha nova páxina web galega que quere ser un referente de sustentabilidade e economía circular: unha fronte informativa e activa contra a cultura de usar e desbotar materiais e produtos que impón unha parte da sociedade de consumo.

Mellor reparar que tirar, posta en marcha pola Consellería de Medio Ambiente para “impulsar a colaboración entre as entidades locais e os axentes económicos e sociais para intercambiar coñecementos e contribuír a reparación e reutilización de materiais”.

http://www.mellorrepararquetirar.gal/

viDeoPoeMa de 4º dA esO

Continúan chegándonos fermosos e emotivos videopoemas feitos polo noso alumnado. Nesta ocasión a autora é Nerea Bretal Estévez (4º ESO), quen, partindo da experiencia colectiva e levándoa ao eido do íntimo, fai unha sentida reflexión sobre a necesidade de decatarmos do que realmente importa e de aprender a valoralo e desfrutalo. Parabéns e moitas grazas!

Curtametraxe: «La molinera y el corregidor»

Compartimos aquí a curtametraxe realizada por David Angueira, alumno de 3º ESO B, para a materia de Lingua Castelá e Literatura, e que está inspirada na versión do romance tradicional La molinera y el corregidor musicada polos Hermanos Cubero. Nuria Angueira (1º ESO) e Brais Jamardo (2º ESO B) tamén participaron con cadansúas magníficas interpretacións nunha excelente creación que, sen renunciar á orixinalidade, soubo capturar perfectamente a esencia do poema. Parabéns e moitas grazas aos tres!

biBlioTecA creaTivA

Julio Rey y Álex Conde (1ºESO), Alfredo Meijide (2ºESO) y Adrián Ferreirós (3ºESO) cogieron con ganas lo del Diseño 3D y empezaron a hacer sus propios diseños!!!
Os vamos a ir poniendo aquí sus progresos...
Pronto comenzaremos con el diseño de un ajedrez personalizado... esperamos que os guste!!!

nOVo viDeoPoeMa de 4º dA esO

Continúan chegándonos videopoemas feitos polo noso alumnado na asignatura de Lingua Castelá e Literatura. Nesta ocasión compartimos o fermoso traballo de Blanca Arís Ande, de 4º da ESO, no que o lirismo se vencella cunha profunda reflexión sobre o tempo. Parabéns e moitas grazas pola túa marabillosa creación, Blanca!

díA daS letRaS gaLeGas 3

 Seguindo cos nosos proxectos de iniciación no Deseño 3D dentro do proxecto Bibliotecas creativas fixemos algúns deseños sobre Rosalía de Castro.
A idea é seguir con esta tradición todos os anos, facendo un proxecto sobre Carvalho Calero cara Outubro, cando celebremos o Día das Letras Galegas posposto!

díA daS leTraS gaLegaS 2

Carla Ocampo, de 1º ESO, elixiu a Carballo Calero para facer a súa tarefa de "Stencil Art" da materia de Gravado e Estampación.

No programa GIMP convertiu a imaxe en dúas capas: branco e negro, e así obtivo as súas plantillas para estarcido coas que imitar ao xenial Banksy...

Qué marabilla ter alumnas como ela!!!