Reprodución de músicas do mundo

Para completar a panorámica sobre as músicas do mundo estivemos a facer unha selección de fragmentos de cancións de diversas culturas do planeta. Os arquivos de audio estivémolos reproducindo na pantalla da biblioteca.

Exposición sobre as músicas do mundo

Non podiamos rematar o curso sen tocar o tema das músicas do mundo. Para iso fixemos en actividades de estudo de 3º de ESO unha exposición con diferentes ritmos, instrumentos e bailes do mundo.

Estes foron algúns dos ritmos que expuxemos nos carteis:

arxentinos

brasileiros

hindús

chineses

angolanos

surafricanos

alemáns

franceses

noruegos

celtas

trísQueis ceLtAs

Os alumnos de Gravado e Estampación de 3º ESO reciclaron uns CDs vellos para facer uns fermosos trisqueis ao xeito dos antigos Celtas.

Despois os entintaron con tinta graxa e os estamparon sobre papeis especiais de Gravado.

As linguas do mundo

O curso acaba pero o proxecto da biblioteca, culturas do mundo, é case inesgotable. O EDLG e o Departamento de Lingua Galega e Literatura prepararon unha exposición con alumnado de ESO sobre a diversidade lingüística mundial.

En 2º de ESO fixéronse uns traballos sobre as familias lingüísticas do mundo. Os traballos achegáronse cada un a unha familia ou rama diferente.

En 3º de ESO fixeron artigos xornalísticos sobre situacións de linguas en contacto e como incide a diglosia na situación de determinados idiomas

En 4º de ESO estiveron a traballar en presentacións visuais sobre bilingüísmo e diglosia.

Escritores do mundo

Durante o mes de maio tivemos nun dos taboleiros da biblioteca unha exposición sobre escritores do mundo. A literatura universal é un concepto moi amplo pero aquí procuramos facer un pequeno mosaico para visualizar a diversidade literaria e cultural do mundo

o gAlo de bArceloS porTuguéS

 
Os alumnos de 3º ESO da materia optativa de Gravado e Estampación fixeron Xilografías (gravados en madeira) coa imaxe do famoso Galo de Barcelos, unha localidade portuguesa.

Despois de estampalas no tórculo con tinta graxa fixemos a exposición nun taboleiro onde explicamos a lenda que serviú de orixe a este coñecido símbolo:

Actuación de Uxía Senlle

Dentro do proxecto da biblioteca "Culturas do mundo" quedábanos gozar das músicas do mundo. E comezamos polas da casa.
O EDLG organizou unha actuación da cantante Uxía Senlle, que nos deleitou con tres concertos na biblioteca: ás 10.30 para infantil e primeiro ciclo de primaria, ás 11.30 para segundo e terceiro ciclos de primaria e ás 12.40 para a ESO
Un éxito absoluto.

Os mOais da illA de pasCua

Os rapaces de 1º ESO e de 3º ESO fixeron uns debuxos a lapis brando recreando algúns dos Moais, misteriosas esculturas adicadas aos antepasados feitas polos indíxenas de Rapa Nui, a Illa de Pascua (Chile).

Colocámonos no taboleiro do corredor: