boHemiaN rHapsoDy

Toda a ESO disfrutou dunha sesión de cinema en Caldas coa peli "Bohemian Rhapsody" que recrea o inesquecible concerto de Queen no Live Aid de Londres en 1985 e os acontecementos que o rodearon.

Gostounos moitísimo!!! e agora Queen forma parte da nosa banda sonora habitual...

recOmendaCiónS de lecTura caRa ao naDal

O Departamento de Galego deseñou este tríptico para animar a todos a ler durante estas vacacións e a agasallar con libros en Galego!

EXposiCión de liBroS paRa NadaL

Fixemos unha suxestión de lecturas para disfrutar no Nadal e decoramos o taboleiro con algunhas das carátulas de discos navideños máis recoñocibles do s.XX

chRistmaS caRd exChanGe

Este curso participamos nun proxecto eTwinning de deseño e intercambio de postais de Nadal con centros educativos de toda Europa.
As postais recibidas, xunto cos seus sobres, as expuxemos no taboleiro do corredor.

áRboRe dE naDal

Este curso deseñamos unha árbore de Nadal elaborada coas carátulas dos CDs dos grupos máis coñecidos da música do s.XX.

MOI BO NADAL A TODOS!!!

NoRmaS da biBliO paRa oS máiS peQuenos

A profe Patricia de 1º EP fixo estas normas máis sinxelas e vistosas para que os máis pequenos poidan entendelas e cumprilas. As colocamos na caixa da persiana para decorar á vez a Biblio!!!

xoGandO e apreNdenDo coS esCorNaboTs I

Os raparigos de E. Infantil aprenderon rapidamente e xa saben dirixir aos seus robotiños cara onde eles queiran!
Probaron o xogo das sinais de tráfico e o das rutas por Portas e o fixeron de marabilla!!!
Noraboa tamén ás súas profes!!!

o cPi contRa a vioLencia de xÉneRo VIII

Os rapaces de 4º da ESO tiveron a idea, xunto coa orientadora Silvia, de facer un vídeo no que saían bailando algunhas das cancións máis coñecidas na actualidade pero qcuxas letras amosan un incríble machismo e/ou estereotipos de xénero evidentes.
Tiveos a idea de contrapoñelas con outras cancións, tamén moi coñecidas, pero que abogan pola igualdade e polo empoderamento da muller.
Aínda que levou un traballo de medo... o resultado foi realmente marabilloso e así opinaron os seus compañeiros da ESO cando o presentaron!

o cPi contRa a vioLencia de xÉneRo VII

A profe María Roma, de Galego, fixo cos alumnos de 1º da ESO un traballo de investigación sobre algunhas das letras de cancións moi famosas analizando os estereotipos de xénero que conteñen.
Os alumnos fixeron a presentación na biblioteca e todos aprendemos moitísimo!

o cPi contRa a vioLencia de xÉneRo VI

Os alumnos de 4º da ESO fixeron varios traballos audiovisuais para condear o machismo e a violencia contra a muller e os amosaron aos seus compañeiros que ficaron gratamente sorprendidos pola súa creatividade!

o cPi contRa a vioLencia de xÉneRo V

A profe María de Galego fixo este taboleiro que amosan os estereotipos de xénero máis comúns nas cancións do s.XX, dentro do noso proxecto do Plambe.

o cPi contRa a vioLencia de xÉneRo IV

Os rapaces de 5º e 6º de Primaria coas profes Tania e Patricia tamén quixeron sumarse á condea contra a violencia de xénero cos seus propios paneis!

o cPi contRa a vioLencia de xÉneRo III

Deseñamos estes logos para facer pegatinas e marcapáxinas personalizados contra a violencia de xénero para repartir por toda a escola!

o cPi contRa a vioLencia de xÉneRo II

Grazas a unha idea que tivo a profe Davinia, colaboramos nun proxecto do CEIP Aquilino Iglesia Alvariño contra a violencia de xénero.
Fixemos un panel co hashtag #Equaliter para compartrilo en Twitter e os rapaces de 5º e 6º de Primaria deixaron a pegada das súas mans en violeta.

Despois fixemos unha Stopmotion coa montaxe!

Aquí podedes ver o vídeo conxunto cos outros coles participantes:

o cPi contRa a vioLencia de xÉneRo I

Fixemos esta exposición sobre os fondos da biblioteca relacionados coa violencia de xénero.
Acabamos de adquirir o fermosísimo libro CARMEN, ilustrado por Benjamin Lacombe, exemplo archicoñecido de "a matei porque era miña".

Tamén fixemos unha pequena guía de lecturas que publicamos no Boletín Bimensual da Biblioteca:

proXecTo biBlioTecaS crEaTivaS

Neste primeiro ano da nosa participación no Programa Bibliotecas Creativas" deseñamos un proxecto de emprego dos Escornabots relacionado coa Educación Viaria...

Preme na imaxe se queres coñecer os seus fundamentos!

Esperamos que vos guste e que aprendades moito!

eduCacióN viaRia eN porTas coS esCorNaboTs

Deseñamos unhas plantillas con sinais de tráfico, recomendacións aos usuarios da vía pública e coa maqueta de Portas para que os rapaces de Infantil practiquen a programar os seus robotiños á vez que interiorizan as normas básicas da educación viaria!

O xogo consiste en poñer as tarxetas boca abaixo (segundo o grao de dificultade) e ir collendoas e movendo o escornabot ata o lugar indicado.

díA inTerNacioNaL do nEno

Os alumnos de 1º da ESO participaron nun proxecto promovido por UNICEF que leva por título "A Vacina do Bo Trato" e que trata de loitar contra a violencia que sofren os nenos diariamente na escola, nos conflitos por todo o mundo e incluso nas súas propias casas...
1º debuxaron e nomearon os virus que poñen aos nenos en risco... e despois deseñaron a vacina que os combate!

UNICEF: Día Internacional del Niño

maLeTa viaXeiRa de mAtEs

A Asesoría de Bibliotecas da Xunta deixounos unha maleta Viaxeira chea de lecturas e películas relacionadas coas Matemáticas.

Os profes Manolo e Verónica, de mates da ESO, fixeron esta expo na entrada da Biblio para que todos os alumnos puideran botarlles unha ollada!

Ademais deunos ideas para aumentar os fondos desta materia na biblio... que eran un pouco escasos...

sTaN Lee

A banda deseñada está de loito pola morte do escritor Stan Lee, creador do "Universo Marvel" con personaxes inesquecibles como os X-Men, Os Vengadores... ou o marabilloso Spiderman!!!

Stan Lee case sempre estivo acompañado polos debuxantes Stev Ditko e Jack Kirby.

Ademais fixo "cameos" en case todas as películas baseadas nos seus superheroes e incluso aparece na serie The Big Bang Theory interpretándose a si mesmo!

Podes ver máis información aquí

RepreSenTaciónS do clUb de LecTurA 2

O Club de lectura representou o relato "Sesos de Morto" que fai que todo o público participe de xeito interactivo na función e sinta o medo no corpo!

rePresenTacióNs do cLuB de lecTura

O Club de Lectura, baixo a dirección da profe María, fixo unha representación teatral na Biblio polo Samaín...

Isabel no papel protagonista o bordou!, ademais lle quitaron vísceras a un morto... e asustaron a todo o mundo!

thriLler de miChael JacKson

Puxemos o vídeo de Thriller de Michael Jackson na Biblio para celebrar o Samáin no cole e algúns titoriais para aprender a bailar como aqueles famosos zombies...

Despois as alumnas de 2º da ESO foron unhas valentes e conseguiron facer unha coreografía coa música do grandísimo éxito de Michael Jackson.
Ademais se vestiron de mortos viventes cunha marabillosa maquillaxe de terror!!!

múSicA dE meDo paRa o sAmaín

ALgUNhAS dAS CAnCiÓnS MÁiS TErrORÍFiCAS dA HiSToRiA

Thriller de Michael Jackson. Da que xa o videoclip semella una peli de terror.

Highway to Hell de AC/DC. Unha das cancións máis famosas da Historia do Hard Rock.

Ghostbusters de Ray Parker Jr. O tema central da mítica película “Cazapantasmas”.

Rock DJ de Robbie Williams. O final do vídeo no que o cantante arráncase a pel foi censurado nalgúns canais de TV.

Time Warp de The Rocky Horror Picture Show. O baile principal da famosa obra.

Psycho Killer de Talking Heads. Un clásico do rock dos 70 moi misterioso.

This is Halloween de The Nightmare Before Christmas. Unha pegadiza canción de “Pesadelo antes de Nadal” de Tim Burton.

Sweet Dreams (Are Made of This) de Marilyn Manson.Versión moito máis tétrica do tema de Eurythmics.

Sympathy for the Devil de The Rolling Stones. A simpatía polo demo… da súa satánica maxestade.

Disturbia de Rihanna. Unha historia de ansiedade, angustia e depresión, nun agónico vídeo.

Enter Sandman de Metallica. O home do saco da cultura anglosaxona que  bota area sobre os ollos para dar soños felices ou horrendos aos nenos.

Everybody (Backstreet's Back) dos Backstreet Boys. Todo grupo disfrazado de monstruos acaban bailando nun castelo embruxado.

Going Under de Evanescence. Fala de saír dunha mala relación, pero consegue ser un dos vídeos máis agobiantes da Historia.

HAI MOITAS MÁIS!!!. SINALA AS TÚAS NOS COMENTARIOS!!!

deCoracióN de mEdo poLo samAín

Coma todos os anos, decoramos a biblio con motivos terroríficos pare festexar o Samáin e cunha entrada de medo!
Entrade sen medo... jajajajajaj

reComenDaciónS de saMaíN

Fixemos unha exposición de libros de medo para recomendar lecturas para estas vacacións na entrada da nosa biblio... acompañadas dos discos máis terroríficos do século XX!

mONtAxe duN eScoRnabot

Este curso participamos no proxecto BIBLIOTECAS CREATIVAS e como primeiro paso 

as profes de E. Infantil (Eva, Flora e Yolanda) construíron os nosos robotiños Escornabots!!!

Aquí vos deixamos un vídeo que resume todo o proceso:

Pronto publicaremos máis sobre eles!!!

Mes da CienCia eN galEgO VI

Tamén colcamos uns carteis explicativos arredor do mapa de Domingo Fontán que temos no corredor do centro.

MeS dA CienciA en GalEgo V

Tamén fixemos unha pequena exposición cos libros que temos sobre Domingo Fontán na nosa Biblioteca!

meS dA CieNciA en galEgO IV

Co gallo da presentación da unidade didáctica no noso centro, fixemos un taboleiro no que resumimos a maior parte das actividades que levamos a cabo o curso pasado sobre Domingo Fontán!

mEs da cieNciA en gaLegO III

Para os alumnos de Primaria do cole tamén houbo un obradoiro no que lles presentaron os conceptos básicos sobre as Matemáticas e Domingo Fontán.

MeS da cieNciA en GaLegO II

A Facultade de Matemáticas de Santiago de Compostela levou a cabo un obradoiro sobre a Carta Xeométrica de Domingo Fontán para todos os alumnos de Secundaria do cole, no que nos amosaron varios dos exercicios que están incluídos na unidade didáctica deseñada polo Consello da Cultura Galega.

meS da cieNciA en gaLegO I

Este mes para celebrar a Ciencia en Galego tivemos a sorte de que membros da Facultade de Matemáticas de Santiago, do Consello da Cultura Galega, da Academia das Ciencias e da Xunta viñeran ao noso cole a presentar unha unidade didáctica sobre Domingo Fontán como primicia!!!

LIGAZÓN Á UNIDADE DIDÁCTICA

preMio GaliConS-neT

O curso pasado os departamentos de Inglés e de Plástica da ESO fixemos un proxecto sobre Linguaxe Publicitaria dentro dun dos Plans Proxecta nos que participaba a nosa Biblioteca.
Gañamos o 1º Premio da nosa categoría... e hoxe fixemos un pequeno acto na Biblioteca para recibilo!!


O proxecto baseouse no emprego do Inglés na Publicidade en España e foi desenvolvido polos rapaces de 2º e 3º da ESO.
Fixemos vídeos, campañas publicitarias, logotipos, recompilacións de anuncios e enquisas... ademais dun glosario que recolle os termos anglosaxóns máis habituais!.
Todo o traballo está explicado no blog: MERCA COS NOSOS COMMERCIALS!!!

marCapáXinaS doS máiS peQueNoS

Os nosos pequenos lectores de 1º e 2º de Primaria fixeron os seus propios marcapáxinas gracias aos seus profes Patricia e Vicente... quedaron moi chulos!

Ademais van todos os venres á biblio a buscar libros e a botar unha ollada ás novidades!

paSaporTes de LecTura

A profe Patricia de 1º de EP e o profe Vicente de 2º deseñaron estes pasaportes de lectura para animar aos seus alumnos a ler na biblio!
Son xeniales e funcionaron de marabilla!!!

boleTín biBlio nº5

Vimos de repartir os boletíns da biblio para os meses de Outubro e Novembro... coas novedades, as actividades programas, consellos para usuarios...

caNcióNs do s. XX

A profe Susana de Inglés comeza todas as súas clases cun gran éxito musical do s.XX para facer unha homenaxe a tantos e tantos grupos e cantantes de fala inglesa que destacaron nesta etapa!!!

conCerTo de preSentaCión do cuRso

Os profes de Infantil e Primaria organizaron un concerto no cole para inaugurar este curso dedicado á música! estivo xenial:

aXenda esColaR

Eva Solla, a xefa do Equipo de Dinamización da Lingua Galega tivo a xenial idea de elaborar unha axenda para os nosos alumnos! e pedíunos axuda para deseñar a portada, contraportada e personalizala un pouco con imaxes e xogos sobre Domingo Fontán e os nosos blogs...

quedou moi chula!

plAmBe 2018/19

a múSicA do s.Xx

Este curso o tema da Biblioteca para o Plan de Mellora das Bibliotecas Escolares é "A Música no século XX".

Haberá moitísimas actividades relacionadas con este tema e... como non... festas, concursos e disfraces!!!

ESPERAMOS QUE VOS GUSTE E QUE APRENDADES MOITÍSIMO!!!

reMaTamoS!!!

Para acabar este curso fixemos os artigos da Biblioteca para a Revista Escolar nos que resumimos o máis salientable das actividades desenvolvidas ao longo do curso.

Tamén deseñamos a portada... dedicada a Domingo Fontán por ser o protagonista dun dos nosos Plans Proxecta deste curso, pero en versión Pop Art imitando a Andy Warhol!!!

A revista competa PALPURIÑA nº16 podes vela na páxina web do centro nesta ligazón.

unHa viAxe iNeSperAdA...

Os marabillosos alumnos de 3º da ESO leron "O Hobbit" a proposta da súa titora Julia e fixeron en EPV un obradoiro de acuarela baseado nos debuxos que fixo o propio J.R.R. Tolkien para ilustrar os seus relatos.

Aproveitamos para facer unha exposición con todos os libros que temos sobre o tema na nosa Biblioteca, xunto co famoso mapa de Thror e o contrato de "saqueador" de Bilbo!