axUdaNteS da biBliO

Este curso unha chea de alumnos quixeron colaborar connosco nas tarefas da Biblio, sobre todo os de 2º da ESO.

Ao contar con tanta axuda, decidimos participar de novo no programa de Bibliotecas Solidarias da Xunta de Galicia.

Axudan a etiquetar, poñer celo, mover libros, pintar andeis... e todo o que lles propoñamos!!!

"eNcueNtroS liTerariOs"

O Ministerio de Educación e Cultura ofrece a posibilidade de que un autor recoñecido dea unha charla nun centro escolar e, a continuación, faga un coloquio cos estudantes.

Este curso o Departamento de Galego convocou a María Lado e Lucía Aldao para que nos fixeran unha representación musicada dalgúns dos seus poemas.

Tras a actuación, repartiron versos soltos á audencia para que, entre todos, compoñeramos o noso propio poema, que resultou moito máis interesante do que supoñamos!!!

díA de roSaLíA

Os profes do Primeiro Ciclo de Primaria fixeron cos seus alumnos estes paneis para conmemorar o Día de Rosalía de Castro... e quedaron xeniais!!!

sTop buLLyinG

O Departamento de Inglés da ESO fixo cos alumnos de 4º este taboleiro contra o acoso escolar!!!

díA inTerNaciOnaL da liNguA maTerNa

A profe María de Galego fixo este taboleiro cos seus alumnos da ESO para festexar o Día Internacional da Lingua Materna 2019!!!

o maPa de fonTáN no mUpeGa

No Museo Pedagóxico de Galicia, en Santiago de Compostela, tamén puidemos ver un dos mapas de Domingo Fontán, case igual ao que temos no colexio, aínda que con algunhas partes coloreadas!!!

Explicáronnos brevemente a súa importancia e alegráronse enormemente ao recibir unha visita do cole que leva o seu nome!

viSita ao mUpegA

Fomos de excursión ao Museo Pedagóxico de Galicia a Santiago de Compostela. Alí recibimos unha charla sobre a Historia da educación en Galicia e puidemos ver como eran as escolas antigas e as primeiras fases e aparatos para a  Educación Especial!!!

caStelao mAxiStraL

O Departamento de Galego organizou unha excursión á Cidade da Cultura para ver a exposición "Castelao maxistral: a boa obra ao mestre honra" na que destaca o seu cadro "A derradeira lección do mestre" entre varios debuxos de reivindicación social e de condena das inxustizas e da guerra.

Foi unha visita moi interesante e emotiva, especialmente a larga listaxe dos mestres represaliados durante a Guerra Civil Española!

víDeoS muSicAiS de sAn VaLentíN

Os marabillosos profes do 1º Ciclo de EP non paran de traballar!

Co gallo de festexar o Día de San Valentín quixeron facer unha homenaxe musical ás cancións de amor cos seus incríbles alumnos que interpretaron "Girasoles" de Rozalén, "Tengo el Corazón Contento" de Marisol e "No Dudaría", na voz de Rosario Flores.

Atrevéronse incluso coa linguaxe de signos!!!

SAN VALENTÍN

O 14 de febreiro celebramos o San Valentín e , entre outras cousas, os alumnos de 3º de ESO participaron nun proxecto ETWINNING de intercambio de tarxetas de felicitación.
As profesoras que os guiaron foron Sara, en clase de Plástica e Susana , en clase de inglés.
As tarxetas quedaron así de chulas!!! e todas elas tiñan escrito un poema de amor en inglés que os propios rapaces e rapazas compuxeron.Son uns verdadeiros poetas!!!

Tamén buscaron información sobre distintos aspectos da celebración e con ela elaboraron este fermoso PADLET

Tamén recibimos tarxetas de distintos países de Europa:

saN vaLentÍn mUsiCaL

O EQUIPO DA BIBLIOTECA QUIXO CELEBRAR O 14 DE FEBREIRO INVITANDO A TODA A COMUNIDADE EDUCATIVA A COLABORAR NA ELABORACIÓN DUN RÁNKING DAS MELLORES CANCIÓNS DE AMOR DO SÉCULO XX.

AS GAÑADORAS POR ACLAMACIÓN POPULAR FORON:

1. Somebody to love (Queen)

2. All you need is love (The Beatles)

3. With or Without you (U2)

Moitas grazas a todos por participar!!!

Tamén deseñamos marcapáxinas para a ocasión e os alumnos de 2º de Gravado e Estampación da ESO gravaron uns fermosos corazóns para decorar o taboleiro!

loGo do EdlG

A profe Eva Solla do E.D.L.G. organizou unha choiva de ideas para atopar un logo para o equipo...

Participaron os rapaces de 5º e 6º de EP e de 1º, 2º e 3º da ESO.

Gañou este orixinal deseño de Mariña (2ºA) aínda que todos recibiron un agasallo por participar!!!

eFemériDes muSicaiS, feBreiRo

múSicA poLa Paz III

Os Departamentos de Inglés e de Música xuntáronse para preparar a canción de IMAGINE, de John Lennon, unha icona da música da paz!.
Toda a ESO participou, en dúas tandas, para que a puidera oir todo o colexio (aquí fixemos un remix coas dúas actuacións).
Moitísimas grazas aos profes Javi e Susana por taaaantos ensaios, e aos rapaces de 4º por acompañar cos instrumentos á actuación!

cAliGramAs da pAz en siGnoS mateMáticoS

As profes María (Galego) e Verónica (Matemáticas) uníronse para facer cos seus alumnos estes incribles "Caligramas da Paz con Signos Matemáticos" para celebrar este 30 de Xaneiro.
A verdade é que nas fotos non se ven todo o ben que deberían polos brillos que produce o celofán... polo que deberedes achegaros ao primeiro andar para poder apreciar toda a súa beleza e ler os poemas de preto!!!

múSicA poLa Paz II

Os rapaces de Infantil cantaron e interpretaron na biblioteca a canción "Los niños queremos la paz" para todo o colexio!.
Acompañounos a profe Eva que tamén fixo unha fermosa presentación multimedia que incluía as pombas da paz que fixeran!

o mAkinG oF...