Videopoemas de 1º da ESO

Nesta ocasión son dous os videopoemas que compartimos convosco: o primeiro realizouno Bianca Fariña Río (1º ESO) e trátase dunha fermosa e lírica composición que se inspira nas formas e nos temas da tradición popular para facer unha oda en loanza da Lúa. O segundo deles, realizado por Natalia Caamaño Arzúa (tamén de 1º ESO), é un emotivo chamamento á solidariedade e ao apoio mutuo para saírmos da situación que estamos a vivir. Parabéns ás dúas e moitas grazas polos vosos traballos!

 

Mellor reparar que tirar: SOSTENIBILIDADE

Ponse en marcha unha nova páxina web galega que quere ser un referente de sustentabilidade e economía circular: unha fronte informativa e activa contra a cultura de usar e desbotar materiais e produtos que impón unha parte da sociedade de consumo.

Mellor reparar que tirar, posta en marcha pola Consellería de Medio Ambiente para “impulsar a colaboración entre as entidades locais e os axentes económicos e sociais para intercambiar coñecementos e contribuír a reparación e reutilización de materiais”.

http://www.mellorrepararquetirar.gal/

viDeoPoeMa de 4º dA esO

Continúan chegándonos fermosos e emotivos videopoemas feitos polo noso alumnado. Nesta ocasión a autora é Nerea Bretal Estévez (4º ESO), quen, partindo da experiencia colectiva e levándoa ao eido do íntimo, fai unha sentida reflexión sobre a necesidade de decatarmos do que realmente importa e de aprender a valoralo e desfrutalo. Parabéns e moitas grazas!

Curtametraxe: «La molinera y el corregidor»

Compartimos aquí a curtametraxe realizada por David Angueira, alumno de 3º ESO B, para a materia de Lingua Castelá e Literatura, e que está inspirada na versión do romance tradicional La molinera y el corregidor musicada polos Hermanos Cubero. Nuria Angueira (1º ESO) e Brais Jamardo (2º ESO B) tamén participaron con cadansúas magníficas interpretacións nunha excelente creación que, sen renunciar á orixinalidade, soubo capturar perfectamente a esencia do poema. Parabéns e moitas grazas aos tres!

biBlioTecA creaTivA

Julio Rey y Álex Conde (1ºESO), Alfredo Meijide (2ºESO) y Adrián Ferreirós (3ºESO) cogieron con ganas lo del Diseño 3D y empezaron a hacer sus propios diseños!!!
Os vamos a ir poniendo aquí sus progresos...
Pronto comenzaremos con el diseño de un ajedrez personalizado... esperamos que os guste!!!

nOVo viDeoPoeMa de 4º dA esO

Continúan chegándonos videopoemas feitos polo noso alumnado na asignatura de Lingua Castelá e Literatura. Nesta ocasión compartimos o fermoso traballo de Blanca Arís Ande, de 4º da ESO, no que o lirismo se vencella cunha profunda reflexión sobre o tempo. Parabéns e moitas grazas pola túa marabillosa creación, Blanca!

díA daS letRaS gaLeGas 3

 Seguindo cos nosos proxectos de iniciación no Deseño 3D dentro do proxecto Bibliotecas creativas fixemos algúns deseños sobre Rosalía de Castro.
A idea é seguir con esta tradición todos os anos, facendo un proxecto sobre Carvalho Calero cara Outubro, cando celebremos o Día das Letras Galegas posposto!

díA daS leTraS gaLegaS 2

Carla Ocampo, de 1º ESO, elixiu a Carballo Calero para facer a súa tarefa de "Stencil Art" da materia de Gravado e Estampación.

No programa GIMP convertiu a imaxe en dúas capas: branco e negro, e así obtivo as súas plantillas para estarcido coas que imitar ao xenial Banksy...

Qué marabilla ter alumnas como ela!!!

díA daS leTraS gaLegaS 1

Este ano o Día das Letras galegas tivo que pospoñerse debido ao confinamento por mor do estado de alarma.
Porén moitos dos profes do noso cole quixeron celebrar este día dende a distancia cunha serie de actividades moi chulas para todos os alumnos: un autodefinido, un crucigrama, un xogo interactivo, unha exposición virtual, un quebracabezas de emojis de whatsapp... e ata deseño 3D!
A profe maría de Galego propuso "rechear con cores" un fermoso debuxo de Rosalía de Castro xogando co tipo de palabras... Aquí tendes os resultados:

A Asesoría de Bibliotecas recolleu unha chea de ideas e propostas para festexar este día... BOTÁDELLE UNHA OLLADA!!!

pRiMeiRos deSeñoS 3D dos RapAceS da ESO

Os alumnos da ESO comezaron a facer deseños 3D para imprimir cando voltemos ao cole!
A primeira tarefa foi a de deseñar uns chaveiros personalizados...
Despois teremos que procesalos no Slic3r e probar a imprimilos aproveitando todos os novos filamentos que mercamos!!!