mAnnEquiN cHalleNgE

  

feLiz nAviDaD/ bo NaDaL a todos!!!!!!

RecoMendAcióNs da biBliO caRa ao nAdAL

gaRdas paRa liBroS

1º e 2º da ESO. Gravado e Estampación (materia optativa).

leOnArd coHen

Hoxe finou este compositor, poeta e músico canadiense, Premio Príncipe de Asturias das Letras 2011.
Para lembralo neste triste momento, a Biblioteca fixo unha exposición co seu retrato e algunhas das súas cancións máis coñecidas, así como fragmentos do fermoso discurso que fixo en España cando recolleu o premio, cheo de agarimosas alusións ao noso país!

SaMaíN

Fixemos un cartel con debuxos a tinta chinesa dos cómics de Walking Dead (adquiridos recentemente pola Biblioteca) e unha exposición cos libros de medo recomendados este ano.

Esperamos que vos gusten!!!!

RiToS de eNterrAmeNtO ao LonGo da hiStOriA

Fixemos uns carteis sobre os ritos de enterramento e as crenzas na vida de ultratumba de diversas civilizacións ao longo da Historia e convocamos un concurso para ver que equipo era o máis rápido en conestar a un completo test sobre o tema.

O premio foron uns riquísimos caramelos de Samaín!!!!

noBel de liTeraTura 2016

A Academia sueca elixiú este ano ao músico e compositor norteamericano Bob Dylan como Premio Nobel de Literatura "por crear unha nova expresión poética dentro da gran tradición americana da canción".
A Biblioteca fixo este taboleiro con algúnhas das súas máis fermosas letras para festexalo!!!

a hiStoRia

Este curso 2016/17 o Proxecto da Biblioteca é "A Historia". Comezamos esta viaxe apaixonante con moitas expectativas... esperamos que vos guste!!!!

a ReviSta 2016

FELIZ VERÁN A TODOS!!!!

ClaSh of ClanS e ClaSh RoyAle na BiBliO

Conto de Infantil 5 anos: "A xoaniña e a granxa"

Este conto realizouno a clase de Infantil de 5 anos para o concurso de microcreacións de Terras do Umia. Para a revista do centro realizada polo EDLG fixeron esta versión audiovisual. Poñémola aquí para que se poida visualizar.

Exposición de obras para as Letras Galegas

Entre as lecturas recomendadas pola biblioteca este mes están, evidentemente, obras do autor chairego ao que se lle dedica este ano. Manuel María foi un poeta que achegou a poesía en galego a un público infantil e aínda hoxe resultan obras de referencia: Os soños na gaiola e As rúas do vento ceibe. Tamén recomendamos as súas primeiras obras (Muiñeiro de brétemas, Terra Chá) e nos últimos meses saíron obras compilatorias da súa produción e ensaios analizando a súa traxectoria que nos permitirán achegarnos a el. Algunhas desas obras que temos no centro están expostas na entrada da biblioteca.

Actuación do contacontos Cándido Pazó

O actor, autor, director teatral e monologuista Cándido Pazó realizou unha actuación no noso centro. Este xoves 12 de maio actuou para 4º e 5º de Primaria e para a ESO. O contacontos actuou na biblioteca en dúas sesións resultando a súa actuación moi entretida. O acto estivo organizado polo Equipo de Dinamización da Lingua Galega.

Concurso de fotografía matemática con temática de xogos ou bailes

O Departamento de Matemáticas leva facendo varias actividades complementarias durante o curso (desafios matemáticos, xogos matemáticos, etc). Esta avaliación propuxo un interesante concurso de fotografía baseado na temática do proxecto da biblioteca: xogos e bailes. Os resultados xa están publicados nos taboleiros do corredor principal xunto ao da biblioteca.

Agora van continuar cunha nova fase de natureza e foto matemática. A ver o que vemos no medio que nos rodea. Hai máis números dos que parece...

Charla da Escola de xadrez de Pontevedra sobre cooperación en Siria

Este xoves 5 de maio tivemos unha charla organizada pola Escola de xadrez do CPI Domingo Fontán sobre o proxecto "Xadrez, estratexia pola paz" no que participou a Escola de Xadrez de Pontevedra.
Os participantes no proxecto contáronnos a súa experiencia de 12 días no campo de refuxiados de Azraq, en Siria, a 50 km coa fronteira de Arabia Saudí.



Trátase dun campo de refuxiados planificado para 130.000 persoas que foxen da guerra. Estas persoas, con escasas perspectivas de futuro, participaron nas actividades organizadas pola Escola de Xadrez. As clases serviron como unha actividade paliativa para o tempo que teñen que pasar os refuxiados e refuxiadas no campo, que son días e días iguais sen horizontes claros e diferentes: non traballo, non estudos universitarios, escasas posibilidades de saír do campo, ...
A partida non está gañada, pero a esperanza é avanzar na concienciación da situación dos refuxiados e refuxiadas en moitas partes do mundo e as causas que provocan esa situación (guerras)
O voluntariado deixou clara a actitude de amabilidade do pobo xordano e sirio co que conviviron e quixo desterrar ideas e tópicos sobre certas culturas e relixións que, en liñas xerais, son moi hospitalarias. As experiencias persoais falan de xente que colaborou e lles axudou de maneira desinteresada e que entraban na frase "quen menos ten máis dá".

dÍA dO LIBRo 2016

Este venres 22 de abril celebramos os actos centrais do Día do Libro 2016. En realidade xa viñamos realizando diversas actividades complementarias e extraescolares arredor desta data nas últimas xornadas (presentacións de libros, xogos, unidades didácticas sobre esta data nas aulas,...).

A xornada tivo, quizais, como acto central o apadriñamento lector. Na segunda hora, arredor das 10.35 horas, o alumnado maior do centro achegouse a unha aula para lerlle unha historia a cadanseu alumno ou alumna. A correspondencia foi a seguinte:

LECTORAS e LECTORES de...                                 leron a...

5º e 6º de Primaria.....................................................Infantil de 4, 5 e 6 anos

2º ESO.......................................................................1º de Primaria

1º ESO.......................................................................2º de Primaria

3º ESO.......................................................................3º de Primaria

4º ESO.......................................................................4º de Primaria

A actividade foi moi interesante e resultou moi atractiva xa que serviu para compartir unha experiencia lectora entre alumnado do propio centro de maneira moi próxima.

Mais ao longo da mañá realizáronse outras actividades como a procura de información sobre personaxes de Shakespeare e Cervantes, completar murais como o de "Que é para ti un libro?" ou "Cal é o libro que máis che gustou en galego?" xunto cunha lectura pública do Quixote que se foi facendo por cursos antes do recreo.

A xornada completouse cunha actuación do Club de Lectura de Primaria que preparou dúas obras para esta data. A temática das obras versaba sobre temas relacionados coa problemática da muller; como no Día da Muller (8 de marzo) estabamos de exames para a avaliación reservámola para esta data na que actuaron as integrantes de 5º e algunha de 6º de Primaria. A representación realizouse por grupos desde 3º de Primaria ata 4º de ESO.

                           

En fin, todas as actividades resultaron moi interesantes pero este ano resultou chamativa a do apadriñamento lector que nos deixou imaxes por todo o centro

Presentación de Fontán, libro de Marcos Calveiro

Dentro dos actos que se están a realizar para a conmemoración da semana do libro, temos que comezar pola presentación que realizamos este martes 12 de abril. Como somos moi "libreiros" estamos a ampliar a semana a quincena e xa comezamos con celebracións relacionadas coa literatura. En concreto, o centro colaborou na organización activa da presentación do libro Fontán de Marcos Calveiro, autor vilagarcián que se levaba interesando moito tempo polo persoeiro nado en Portas.

O libro, premio Repsol de Narrativa Breve 2015 está a ser presentado por diversos puntos da xeografía galega e tamén recalou na Azucreira de Portas a onde asistiu toda a ESO e 6º de Primaria.

Esta obra recrea parte da vida do profesor, matemático, deputado e xeógrafo portense Domingo Fontán, elaborador do primeiro mapa científico de Galicia e considerada unha das mellores cartas xeométricas da época, traballo só igualado pola cartografía inglesa e francesa que as facían como empresas de estado, mentres a medición galega foi feita polo mestre de Portas  durante 17 anos como unha tarefa case exclusivamente individual coa idea de servir como base para a mellora viaria e económica galega.

Excursión a Allariz: visita do museo de xoguete e outras

Dentro das actividades que se están a realizar este curso temos que destacar esta excursión organizada polos Departamentos de Lingua Galega e Xeografía e Historia para visitar, entre outras cousas, o Museo Galego do Xoguete. Así, nesta viaxe tiveron en conta a temática do proxecto da biblioteca (Xogos e bailes) para visitar, primeiramente Allariz e, logo, Pontevedra.

A excursión realizouse o martes 5 de abril e foron 1º e 4º de ESO. En Allariz fíxose un percorrido polo casco histórico e visitouse o Museo da Moda e o Museo do Xoguete pola mañá. Ás catro da tarde visitamos a Fundación Risco para ver a casa na que viviu Vicente Risco durante varios anos (patrimonio da familia da muller do escritor galego)

Dentro do Museo da Moda foi un dos sitios onde mellor o pasamos. Visitamos vellas tendas, vimos fiadeiras, tecelás, rocas, fusos...

... pero o mellor de todo estivo no derradeiro andar; puidemos probar sombreiros, traxes e outros atavíos... ata desfilar pola pasarela...

 

Logo cruzamos a rúa e fomos ao Museo Galego do Xoguete que está case enfronte do da Moda. Alí fixemos tamén unha parada interesante onde puidemos ver unha boa mostra de enredos de diferentes épocas, destacando sobre todo un "futbolín" de mediados do século XX.

Xa de volta cara a Portas paramos na cidade do Lérez para visitar o Museo de Pontevedra ás 18.30, onde vimos unha exposición sobre a obra pictórica de Castelao feita en Galicia (4º de ESO) e unha mostra da prehistoria (1º de ESO). A excursión rematou practicamente ás 21 horas. Día ben completo.